@hakimoclassic: Hooyaday ❤️ Hooyaday taajirad ma ahan, balse waxa ay awooday weligeed waxba igama aysan hakran. Waxa ay haysatay haddii ay yar tahay iyo haddii ay badan tahayba, aniga ayay ila wadaagtay. Mararka qaar waxay nafteeda ka hormarin jirtay aniga, si aan anigu u helo waxa aan u baahanahay. Hooyaday ma ahan qof hanti badan haysta, laakiin waxay leedahay qalbi ka qiimo badan hantida adduunka oo dhan. Jacaylkeeda, ducadeeda iyo garab istaaggeeda ayaan ku dareemaa inaan ahay qofka ugu taajirsan dunida. Wax badan ayay ii soo martay, wax badanna way ii hurtay iyadoo aan marna iga sugin abaal. Haddii aan maanta meel joogo, qayb weyn oo ka mid ah waxaa sabab u ah hooyaday iyo ducadii ay mar walba ii duceyn jirtay. Hooyo, haddii aan adduunka oo dhan kuu keeno, weli ma noqonayso abaalka jacaylka iyo naf-hurnimada aad ii sameysay. Ilaahay ha kuu dheereeyo cimriga, caafimaad iyo farxadna ha ku siiyo. Adigaa ah hantidayda ugu weyn. ❤️👩‍🍼

Abdihakin Bulle🇸🇴

Open In TikTok:

Region: ET

Saturday 22 August 2026 12:08:10 GMT