@jacylooow: Haa, waynu kala fogaanay… laakiin ma ahayn inaan nahay laba qof oo is neceb, mana ahayn in jacaylkii ama xusuustii inoo dhexaysay ay hal mar dhammaatay. Waxay ahayd oo keliya inaan noqonnay laba qof oo is fahmi waayay, laba qalbi oo isku meel wax ka doonayay, balse si kala duwan u arkayay jidka loo marayo. Mararka qaar, laba qof way is jeclaan karaan, haddana way kala tagi karaan. Ma aha jacayl la’aan, ee waa marka fahamkii yaraado, hadalladii la rabay in la yiraahdo ay aamusiyaan, mid walbana uu doorto jid uu u malaynayo inuu naftiisa ku nabad gelinayo. Maanta waxaa laga yaabaa inaan nahay laba qof oo kala durkay, laba jidna kala raacay. Adigu jidkaaga ayaad qaadatay, aniguna kayga. Waxaa laga yaabaa inaanan mar dambe isku meel ku kulmin sidii hore, balse taas macnaheedu ma aha inaan wixii ina dhex maray nacayb ku beddelay. Waxaan doorbidayaa inaan xusuustaada ku reebo wanaag, halkii aan qalbigayga ku kaydin lahaa ciil. Haddii aanan noqon karin dadka nolosha isku garab mara ilaa dhammaadka, ugu yaraan waxaan jeclaan lahaa inaan noqono laba qof oo kala fogaaday iyagoo aan is dhaawicin. Waxaan kuu rajaynayaa in jidka aad dooratay uu kuu horseedo meel ka qurux badan tii aad ka soo tagtay. Ilaahay ha kuu fududeeyo tallaabo kasta, ha kuu furo albaab kasta oo kheyr leh, hana kuu keeno farxad ka weyn intii aanan awoodin inaan ku siiyo. Haa, waynu kala fognahay… laakiin ma nihin laba qof oo is neceb. Waxaan nahay laba qof oo is fahmi waayay, noloshiina kala dooratay laba dariiq. Haddii aanan mar dambe isku soo noqon, waxaan rajaynayaa in xusuusteenna ugu dambaysa ay noqoto mid wanaagsan. Adiguna meel kasta oo aad gaadho, guul iyo wanaag ayaan kuu rajaynayaa. ❤️‍🩹#qalinkiimucaashaq

𝐌𝐮𝐜𝐚𝐚𝐬𝐡𝐚𝐪🤎✍️

Open In TikTok:

Region: SO

Saturday 22 August 2026 16:05:42 GMT