@aisha.alharbi95: ألذ صينية مكرونة بالبشاميل 🙂‍↔️♥️♥️ لا تفوتكم مرا مرا لذيذة وسهللة ♥️ - المكرونة: * ٤٠٠ غرام مكرونة بيني * ملح للسلق - خلطة اللحم: * 500 غرام لحم مفروم * ملعقتين كبيرة زيت * بصلة متوسطة مفرومة ناعم * 2 فص ثوم مفروم * ملعقة كبيرة معجون طماطم * ثلاثة أرباع كوب صلصة طماطم * نص كوب مرقة لحم (أو موية سلق الباستا) * ملعقة صغيرة بابريكا، أوريغانو كزبرة مجففة * نص ملعقة صغيرة كمون * ربع ملعقة صغيرة قرفة * ملح وفلفل أسود - البشاميل: * 85 غرام زبدة * 85 غرام دقيق * 1.3 لتر (لتر و ٣٠٠ مل) حليب كامل الدسم * ملح وفلفل أسود * ملعقة صغيرة ونص أوريغانو * رشة جوزة الطيب (اختياري) - باقي المقادير جبنة موزاريلا - الطريقة: * نسلق المكرونة في موية وملح ونشيلها قبل ما تستوي بالكامل بحوالي دقيقتين، لأنها بتكمل استواها بالفرن، وبعدها نصفيها. * لخلطة اللحم، نحمس اللحم الى ما تنشف مويته ونشيله، وبعدها بنفس الطاوة نحط الزيت ونحمس البصل لين يذبل، بعدها نضيف الثوم ونقلبه شوي * نضيف معجون الطماطم ونحمسه دقيقة، بعدها نضيف صلصة الطماطم والبهارات واللحم. نخلي الخلطة على نار هادية تقريبًا 5 دقايق لين تتسبك وتصير متماسكة. * للبشاميل، نذوب الزبدة على نار متوسطة، بعدها نضيف الدقيق ونحرك دقيقة إلى دقيقتين. * نضيف الحليب بالتدريج مع التحريك المستمر عشان ما يتكتل البشاميل. نضيف الملح والفلفل الأسود والأوريغانو وجوزة الطيب ونستمر نحرك لين يبدأ يثقل ويصير قوامه كريمي. لا تخلونه يثقل مرة لأنه بيزيد سماكة بالفرن. * نخلط المكرونة مع شوي من البشاميل ونوزع نص الكمية كطبقة الآولى في صينية. * نحط فوقها جبنة الموزاريلا و كل خلطة اللحم. * نحط باقي المكرونة فوقهم ونصب باقي البشاميل على الوجه ونوزعه كويس لين يغطي المكرونة بالكامل، وبالأخير نحط طبقة موزاريلا. * ندخلها فرن محمى مسبقًا على 375°F لمدة ربع ساعة، وبعدها نشغل الشواية من فوق كم دقيقة لين تتحمر الجبنة ويصير الوجه ذهبي * نخليها ترتاح 10 دقايق بعد ما تطلع من الفرن قبل ما نقطعها عشان تتماسك الطبقات وبالعافية 🤍 #مكرونة #باستا #pasta #وصفات #food

Aisha AlHarbi

Open In TikTok:

Region: SA

Saturday 22 August 2026 16:33:07 GMT