@za33g: part 1 الجزء الثاني لزمت جهازي واول ماا طبيت لجهات الاتصال هستوني داضغط ع اسمه "علي" كلت بگلبي لااا لااا خل اسويله مفاجاه واروح لعيادته لان قريبه عليهاا فـ اتمشيت وصارت كدامي مرايه العماره رتبت نفسي عليها ع السريع " لابسه فستان رسمي اسود والحزام جلد والشال شامرته شمر ينطي فد جاذبية وشويه شعري طالع سحبت العطر وترست روحي وطبيت للعياده اتمشيت وگلبي يدگ كلما اتقرب اكثرر گد ما مشتاقه الـه فـ اول ما وصلت الممر شفت صديقه وشريكه بالعياده مُلهـم ابتسم بتوتـرر واتقرب بخطوات تجاهي گال هلا خويه ! گتله ببتسامة هلا بيك گال وهو يفرك لحيته ويهز راسه بالمهلي يمعوده شني هالمفاجأة الطيبة ؟ ويحجي وعينه تفتر تباوع بطرف عين ع باب غرفة علي گتله وأني أبتسم يي والله جنت قريبه وحبيت أفاجئه واجي گال هااا... وحك رگبته بحركة رجولية وبتفكير مو مريح ​هستوني داأريد أمشي وأعبره متوجهة لباب علي بسرعه وگف كدامي بوگفة عريضة سد بيها الطريق وگال بخشونة ​أفـاا يا شمس ! أول مرة تجين للعيادة وتردين گبل تطبين لهذا العار؟ لااا خويه تعذريني هاي ما تصير خل أضيفج أول يبوي وراها تروحيله لاحگه ​خجلت من إصراره وما حبيت أكسر كلمته فابتسمت وگتله لاا مُلهم شسالفه عادي والله مو مشكلة گال بصوت جازم وهو ياشر بإبهامه لاا بالنسبة إلي مو عادي اتفضلي وياي استريحي انحرجت وكعدت ع الكرسي وهو بسرعه راح جابلي شي أشربه ورجع بسرعة گعد بس عيونه مو ويانا كل ساع يلتفت ويباوع لغرفة علي بتوتر مو طبيعي لدرجة أني هم تخربطت احوالي وحسيت اكو شي فتح جهازة وصار يكتب سريع وعينه تباوعلي وتباوع للغرفه بقلق ​من قلقي شربت العصير بسرعة وگتله واني التفت ع غرفه علي " تسلم مُلهم عاشت إيدك حروح أشوف علي لا أتأخر وما اكدر أبقى أكثر " گال وهو يباوعلي بنظرة حادة لا وين بعد وكت ! بس أني أصرريت وگمت من مكاني وگتله لا والله لازم أروح مشكور مرة ثانية وما قصرت ​من شافني صممت فتح دگمَة قميصه بحركة عصبية وتوتر واضح وگام وگف وراي بخطوات بطيئة ويهز براسه بقلة حيلة ​مشيت للممر شفت المراجعين كاعدين والسكرتير شافني وابتسم لأن يعرفني زين وگال بصوت عالي اتفضلي اتفضلي شمس بنفس اللحظة "مُلهم" صار يخزر بالسكرتير ويهز حواجبه ويأشرله بعينه بمعنى (أسكت لا تحجي) والسكرتير ضل صافن وما مفتهم شي يگله باستغراب هاا؟ شنووو مافهمت ؟​التفتت ع مُلهم واني راح اموت من التوتر شفته بسرعة عدل روحه وسوه نفسه واكف طبيعي ويعدل بساعته وگال ببرود مصطنع " ها ماكو شي طبي طبي " ​ابتسمت بعز توتري وحيرتي من تصرفات مُلهم الغريبة درت وجهي وفتحت الباب وطبيت بعفوية والابتسامة مرسومة ع وجهي... بس يا ريتني ما طبيت ! رفعت راسي ووگف گلبي بمكانه.. سجى ؟ بنت عمته ؟ گاعدة بكرسي الحشوة وعلي متقرب منها كُلش لدرجة أنفاسهم مختلطة وجهه بوجهه وهو يشتغل بأسنانها شويه ورفع راسـه وگلهـاا بهدوء "إذا حسيتي بوجع الزمي إيدي" ​الكلمة نزلت على راسي مثل الصاعقة حسيت الدنيا دارت بيه ومصدومه فجأة انفتح الباب وطب "مُلهم" وراي وعيونه تباوعلي بقلق وهذول الاثنين لا يمهم ولا يدرون سجى طالع نص شعرها ومتمددة على الكرسي وهو چنه حاضنها ومتاكدة أشتمت عطوره وشبعت منننننه ​ششممم جمدت بمكاني ودمعتي نزلَت غصبااا عني مُلهم حمحمم بقوة وكال بصوت عالي "علييي " ​التفت علي بفززه وصدمـه واول مـاا شافني عگد كصته بأستغراب غمض عيونـه بنفاذ صبـر ورجع ابتسـم وكال شمسس ؟؟ بالمهلي بابـه تعاليي يميي تعاليي ......

آلِــ عِــنِـــود 🎀

Open In TikTok:

Region: IQ

Saturday 22 August 2026 17:25:48 GMT