كنت حـاج ولا محـتـاج ولـو فـراسك تـاج راك فـالدنيا عايم والأيام مـواج لا تـظن راك عــوّام ولا عتولّي تعـوم مـع الـدوام مـواج هذا الـعـام مـاشي فـحال بـاقي الأعوام حوال الناس الناس الكادحة و لـَ كلاس لَباس ولا باس سبحان لي زاد و نقاص فالكاس كان من الذهب مصنوع ولا نحاس فيه المرار يبقى مرار ما يبدل طعموا ماس جنايز و اعراس كل محروق بحريقو حاس ما بقى حد بحريق حد يتقاس ناس فقلبا الهم دحاس سيوف و مواس غارسها فيهم الزمان لي جاهم فاص يعفاص أي حلم أي لساس يمحي أي ضربة فأس يتسما والو الزهر ولا عكاس كاين لي صبر و خيط بصبرو لباس و عاش حتى لقبر دايماً مرفوع الرأس و كاين لي عاش حباس بين حيوط الوسواس عارف الزمان قناص و على الدقة عسّاس و مايكون غير المكتاب حتى لآخر الأنفاس و هذ الشي باين ...شوف حوال الناس كنت حـاج ولا محـتـاج ولـو فـراسك تـاج راك فـالدنيا عايم والأيام مـواج لا تـظن راك عــوّام ولا عتولّي تعـوم مـع الـدوام مـواج هذا الـعـام مـاشي فـحال بـاقي الأعوام كنت حـاج ولا محـتـاج ولـو فـراسك تـاج راك فـالدنيا عايم والأيام مـواج لا تـظن راك عــوّام ولا عتولّي تعـوم مـع الـدوام مـواج هذا الـعـام مـاشي فـحال بـاقي الأعوام شوف واحد مات و جاروا عندوا سابع و لّي درويش و مراضيش و لّي درويش و قانع كاين لّي مربّي الرّيش و حامد و كاين لّي مربّي الرّيش و طامع كاين لّي خطى فالسّاهل و كاين لّي نجح فالمانع و لّي رسم لراسو طريقو و باقي فيها دالع و كاين لّي طريقوا هبوط و باغي يمشي طالع واحد راحتوا فكازينو واحد راحتوا فجامع واحد مجرّي على ولادو واحد للأيتام جامع ناس تهاجم ... ناس دافع و لّي يدافع فيدوا حجرة ... و لّي يهاجم عندوا مدافع واحد متهوم واحد يترافع واحد جار واحد دافع واحد ضار واحد نافع عشيري قطع لبحر ... و عشيري يموت قاطع عشير مدفون فالقبر ... و عشيري يدعيلوا راكع شوف حوال الناس فالمجتمع و شحال جامع فيه أنا لي كاتب و فيه انت لي سامع كنت حـاج ولا محـتـاج ولـو فـراسك تـاج راك فـالدنيا عايم والأيام مـواج لا تـظن راك عــوّام ولا عتولّي تعـوم مـع الـدوام مـواج هذا الـعـام مـاشي فـحال بـاقي الأعوام كنت حـاج ولا محـتـاج ولـو فـراسك تـاج راك فـالدنيا عايم والأيام مـواج لا تـظن راك عــوّام ولا عتولّي تعـوم مـع الـدوام مـواج هذا الـعـام مـاشي فـحال بـاقي الأعوام - @don.thugface