جنت صاعد ويه واحد من تكسي كريم شكله وأسلوبه مال ابن ناس ، كلي إذا تريد تدخن عادي ، كتله لا ممنون ماادخن فاتت من يمنه سيارة يمكن موجود منها ٢ لو ٣ بالعراق كال ماشاء الله الله ينطينا مثلها ، كتله مو شرط صاحبها يطلع مرتاح ، يمكن يطلع مبتلي بواحد من جهاله او زوجته او نفسه .. رد عليه كلي اهم شي بالدنيا هي الزوجة ، كلي صارت مشاكل بيني وبين زوجتي وانفصلنا سنة ، بهالسنة كرهتها من وره الخلافات ، ، بقيت سنة مااكدر اشوف أولادي غير إذا يصدف يوم او عيد ميلادهم ، عندي توأم ، خابرتها ردت اشوفهم وجابتهم ، شفتهم ورجعنا لخاطر الجهال ، ماجنت اكدر اتعامل وياها ولااصفالها لحد ايام كورونا من صار بيه ، كتلها اخذي الجهال وروحي لبيت اهلج لتنعدون لحد مافترة العزل تخلص وارجعي ، كلتلي ماشي اخذت الجهال لبيت اهلها الغير مصابين ورجعت يمي بالبيت ، حارت شتسوي بأيام مرضي آخر شي انعدت مني والحمد لله طلعنا من الأزمة على خير اقسم بالله كلي اخوتي من دروا بيه مصاب محد اجاني محد ظل باله يمي بس هي ، حجاها وهو مبتسم حبيتها من جديد صارت عندي اغلى شي بالحياة حتى اغلى من جهالي الرجعت لخاطرهم ، ماكو شي بالدنيا يوكفلك ويصبرلك غير ام جهالك اي واحد ثاني وكت الجد يختار نفسه محد يبقى وياك تالي عمرك بس ام جهالك ومحد يختارك مرتين بالحياة بس هي ♥️ #fyp #foryou #بدون_هشتاق - @_077u