1️⃣part one1️⃣ 🔴في يوم 15يناير1918 في حي باكوس بمحافظة الإسكندرية بتنجب السيدة فهيمة اول ابنائها بعد سنة تقريبا من زواجها من عبد الناصر حسين موظف في مصلحة البريد جمال عبد الناصر حسين خليل الطفل الاول في الأسرة واللي هيجي بعده اخواته الاتنين عز العرب والليثي 🟠كتاب سيرة عبد الناصر روبرت ستيفنس وسعيد ابو الريش شايفين أن عائلة ناصر كانت علي اهتمام بالمجد العربي من زمان وده بيظهر في اسم اخوه الأصغر عز العرب واللي كان نادر في مصر وقتها 🟡وفي حياة متنقلة من اول ايام حياته من اسكندرية لاسيوط ثم الخطاطبة بعدها يرجع ع اسكندرية ومنها ع الجمالية ويرجع ع اسكندرية عند جدته بعد وفاة والدته وزواج أبوه جدير بالذكر هنا أن والدة جمال عبد الناصر كانت هي الأقرب لقلبه وكانت دائما بتبادله الرسائل وهو عند عمه في القاهرة عشان دراسته وفي أبريل 1926 بتنقطع الرسائل ما بينهم من غير ما الطفل يبقي فاهم اي السبب في كده والسبب اللي هو مكنش يعرفه وقتها وهي أنها توفيت اللحظة دي هتفضل تطارده سنين طويلة بعد كده او زي ما بيتكلم عبد الناصر نفسه عن وفاة أمه ويقول لقد كان فقداني لأمي في حد ذاته أمرا محزنا للغاية، فقد كان فقدها بهذه الطريقة، وعدم توديعي إياها صدمة تركت في شعورا لا يمحوه الزمن، وقد جعلتني آلامي وأحزاني الخاصة في تلك الفترة أجد مضضا بالغا في إنزال الآلام والأحزان بالغير في مستقبل السنين 🟢من وجهة نظر ابو الريش أن عبد الناصر مكنش متضايق ع الاطلاق من كثرة التنقلات المتكررة بل إنه بيشوف أن التنقلات دي هتأثر في نظرة عبد الناصر السياسية بعد كده وانها هتبقي سبب في أنه يبقي رمز من رموز الاشتراكية م في مصر بس بل وفي العالم كله أو زي ما هو بيقول انتمى ناصر إلى الطبقة الشعبيَّة التي عاشت أوضاعًا أصعب بكثير من أوضاع الطبقة الثرية النُخبويَّة، لِذا لم يكن راضيًا عن الأثرياء وأصحاب النُفُوذ، وكبُر امتعاضه من هذه الفئة مع مُرور السنوات 🔵في سن ال12 سنة 1930 في يوم من الايام وهو خارج من مدرسة راس التين بيلاقي مظاهرة في ميدان المنشية عاملاها جمعية مصر الفتاة ومن غير اي تفكير أو حتي يعرف المظاهرة ضد مين او اي بيقرر ينضم ليها وبيتقبض عليه ويتم احتجازه يوم كامل قبل ما يجي والده يخرجه طب وليه كل القلق ده وليه اصلا المظاهرة دي المظاهرة كانت ضد قرار رئيس الوزراء اسماعيل صدقي باشا اللي لغي دستور 1923 كانت دي أول مرة ينزل فيها الشارع. يمكن مكانش فاهم السياسة وقتها... لكن بعد خمس سنين، المشهد هيتكرر، بس المرة دي هيكون هو اللي في المقدمة 🟣تروح وتجي الايام عشان نشوف بعدها يوم 13نوفمبر1935 جمال عبد الناصر بيقود مظاهرة طلابية ضد تصريح وزير الخارجية البريطاني صمويل هور عشان بتصاب وقتها بجرح في جبينه من ظابط انجليزي ⚪في سنة 1937 بيحاول عبد الناصر أنه يلتحق بالكلية الحربية لكن وجود اسمه في سجلات المتظاهرين ضد قرارات الحكومة بتمنعه من ده وبدل الحربية بيدخل الحقوق جامعة فؤاد الاول اللي هي جامعة القاهرة حاليا لكن بيستقيل بعد بترم واحد عشان تجيله فرصة ذهبية بانه يقابل ابراهيم خيري باشا وزير الحربية وقتها وبيساعده أنه. يلتحق بالكلية وبينضملها في مارس1937 أربع سنين كاملة...بيتعلم فيها فنون القتال...لكن المعركة اللي هتغير حياته...مكانتش داخل الكلية...كانت خارج أسوارها ⚫سنة1941 بيقدم ناصر طلب نقل للسودان اللي كانت وقتها جزء من الدولة المصرية والطلب يتقبل ويروح السودان عشان يقابل هناك عبد الحكيم عامر اللي هيبقي بعد كده من أعضاء مجلس قيادة الثورة ومن أهم الشخصيات اللي هتفضل ملازمة لعبد الناصر بعد كده 🟤وقتها بيحصل حدث في مصر هيجمع معظم الباحثين في حياة عبد الناصر بعد كده أنه أول سبب فعلي لقيام حركة الظباط الاحرار وثورة 1952 في أوائل فبراير 1942، مصر كانت على وشك أزمة غير مسبوقة. رئيس الوزراء استقال، والملك فاروق فاكر إنه أخيرًا هيختار الحكومة اللي هو عايزها... لكن اللي حصل بعد ساعات كان هيغير نظرة جيل كامل من الضباط، وعلى رأسهم جمال عبد الناصر نفسه بعد ما بيستقيل حسين سري رئيس الوزراء بيطلب السفير البريطاني في مصر السير ميلز لامبسون تعين حكومة وفدية برئاسة مصطفي النحاس وقتها كان النحاس شايف أنه اه بريطانيا محتلانا وبنت ستين في سبعين بس طريق الاستقلال منها قطع شوط كبير وده كله هينهار لو المانيا كسبت وجت خدت هي مكان بريطانيا عشان كده السير لامبسون كان مُصر ع تعيين النحاس الملك بيرد عليه ع طول ويقوله أنه م هيقدر يعين حكومة وفدية بالكامل وبدل ده هيشكل حكومة ائتلافية من جميع الأحزاب بس النحاس المدعوم من السير البريطاني يرد ع الملك ويقوله أنه م هيقدر يعين حكومة ائتلافية دلوقتي #التاريخي #جمال_عبد_الناصر #تاريخ_وحضارات #تاريخ #الضباط_الاحرار - @.ay.kalam