انسان کبھی نہ کبھی، کہیں نہ کہیں تنہا بیٹھ کر ضرور سوچتا ہے کہ اگر ایسا نہ ہوا ہوتا تو شاید ایسا ہوتا۔ اگر اُس دن خاموشی اختیار نہ کی ہوتی، اگر وقت پر اپنے دل کی بات کہہ دی ہوتی، اگر کسی کو روک لیا ہوتا، اگر کسی رشتے کو ایک اور موقع دے دیا ہوتا تو شاید آج زندگی کچھ اور ہوتی۔ مگر زندگی میں سب سے زیادہ تکلیف اُن فیصلوں کی نہیں ہوتی جو غلط ثابت ہوئے، بلکہ اُن راستوں کی ہوتی ہے جن پر ہم چل ہی نہیں سکے۔ کچھ لوگ ہماری زندگی سے چلے جاتے ہیں، کچھ خواب ادھورے رہ جاتے ہیں اور کچھ خواہشیں وقت کے ساتھ دفن تو ہو جاتی ہیں مگر ختم نہیں ہوتیں۔ پھر برسوں بعد کسی خاموش شام، کسی پرانی تصویر، کسی جگہ، کسی خوشبو یا کسی یاد کے بہانے وہی حسرتیں دوبارہ دل کے دروازے پر آ کھڑی ہوتی ہیں۔ انسان جانتا ہے کہ ماضی واپس نہیں آ سکتا، مگر دل پھر بھی ایک لمحے کے لیے یہی سوچتا ہے کہ کاش وقت کو پلٹنے کا اختیار ہوتا۔ شاید یہی لا حاصل حسرتوں کی سب سے بڑی اذیت ہے کہ ان کا کوئی انجام نہیں ہوتا نہ انہیں مکمل کیا جا سکتا ہے اور نہ پوری طرح بھلایا جا سکتا ہے، بس انہیں اپنے اندر لیے انسان زندگی بھر آگے بڑھتا رہتا ہے۔ #fyppppppppppppppppppppppp #deepthoughts #viralvideo #dontunderreviewmyvideo #fypシ゚viral - @sweetwhisper9