#☆ #Ati_in_turte_an_nan_ariifadhe💔 ●Jaalalleewwaan Baay'ee Wal jaalatan tokko ture. Isaaniis wal arguuf beellamatan. Isheenis Innis yoom bira gahee ijaan ishee/isa arga jedhanii lapheen isaanii akka jabbii silga haadhaa argattee burraaqxaa lafa beellama isaanitti argamuuf ariifatan. Lamaan isaanii guyyaa kana hawwii guddaan eegaa waan turaniif Anatu dura iddoo sana gaha jechaa ariitiin inni dhiiraa lafa itti beellamatan sana gahe. ●Akkuma achi gaheen dubartiin dhibee ishee kuffisu qabdu tokko isa duratti kufte, innis rifatee ol ishee qabee maal taate jedhee ofitti ishee qabee jabaadhu jedheen. Amma inni yaada isaan waa'ee dhufaatii jaalallee isaa yaada malee gargaarsi inni dubartiitti sana gargaaraa jiru iyyuu itti hin dhagahamu. ●Dubartiin kun garuu Hidhii ishee chapstick dibattee fuula ishee illee Mekup dibattee jirti. Inni ishee gargaaruu malee kana iyyuu of irratti hin argine; dubartiittin garuu hidhii ishee irraa akka chapstick dibame argitee asumatti na eegi jettee Bishaan bittee akka ittiin qulqulleeffatuuf gara suuqii fiigde. Innis ammanumatti Dubartittiin dhukkubsattu akkamiin akkanatti fiigdi? Moo sirrii mitii tarii jedhee ajaa’ibsiifachaa bira darbee gara hiriyaa isaa deeme. ●Hiriyaa isaaniis halaala irraa wal arganii walitti fiiganii wal hammatanii, wal dhungatanii osoo jaalala isaanii waliif ibsaa jiranii hiriyaan isaa tun Tishert isaa irratti chapstick argitee rifatte❗️ ●Kana booda harka lamaan mataa qabattee ati hiriyaa koo isan an beeku miti jettee. Innis maaloo akkas miti na dhagahi akka ati yaaddu kana miti gaafa jedhuun isheen aarii guddaan ati gantuudha. Sin beeku nan beektu ija koo duraa deemi jetteen. ●Sana booda Innis akkas jedheen an humnaan ittin si amansiisu hin qabu erga diddee rakkoon qabu erga na hubachuun sitti ulfaattee, erga carraan keenya akkas ta'e, erga hawwiif wal arguuf ariifachuun keenya gargar bahuun goolabamuu ta'ee jedhee Imimmaan isaa cobsaa kun jecha koo dhumaati jechuun. ●Dhugaadha waan na dhahuu diddeef, waan na hubachuu diddeef anis sin beeku; isa dura garuu sin kadhadha lakkii in gaabbita na hubadhu jedheen. ●Ati gantuun osoon arguu na sobaa jirtuudha jechuun ammas miiruma aarii sanaan deemi na duraa jetteen. Innis Tole jedhee aniif ati lammaffaa wal hin arginu nagattii homaa siin jechuu hin fedhu, dhugaan guyyaa tokko si gaafata jedhee callisee biraa deemee osoo daqiiqaa 2 hin guutiin dubartiitti isheen chapstick isheerraa itti ta'e sun bishaan fiddee dhuftee lafa itti kufte sana dhaabbattee akkas jette. ●Maaloo Uffata isaa irratti balleessee maalaan godha? eessatti gore? Jettee osoo ofiin haasoftu dhageessee akkas jetteen maaltu ta'e jettee gaafatte. Achi akkanatti dhibee na kuffisuun qaban ture innis dhufee ol na qabee ofitti na qabee jabaadhu jedhee na tasgabbeessee deeme; anis innis na gargaaruu malee hin agarre Tishert isaa chapstick koo irratti balleesse inni of irratti hin agarre fakkata. Tarii hiriyaa isaa bira deemaa jira ta'a jettee Dubartittiin itti himte. ●Isheenis ennaa Dubartittiin kun itti himtu imimmaan cobsaa dhaggeeffattee xummurtee jecha kana "Ati in turte an immoo nan ariifadhe" jedhu qofa dubbachuun imimmaan lakku lakkuu cobsuun boo'uutti kaate💔 Argitee bu'aa wal hubachuu dhabuu maal akka inni qabu💔 Ati namni barreeffama kana dubbistee xummurte hiriyaa kee/tee hubadhu, Miira aariin waan tokko hin murteessiin. Waan dubbisteef ulfaadhu🙏 Maxxaansa kana immoo #Sher taasisi🥰 follow like repost godhaa galatoomaa - @muhamed.ali9497