@jeevikan.maranna: എത്രയും സ്നേഹം നിറഞ്ഞ എന്റെ പ്രിയ കൂട്ടുകാർക്കുഎല്ലാവർക്കും സുഖമാണെന്ന് കരുതുന്നു. എനിക്കും ഇവിടെ സുഖമാണ്. ഇവിടത്തെ വിശേഷങ്ങൾ ഒരുപാടുണ്ട് പറയാൻ… കുറച്ചൊക്കെ ഇപ്പോൾ എഴുതിയയക്കാം. ബാക്കി വിശേഷങ്ങൾ അടുത്ത കത്തിൽ പറയാം. പഴയ കത്തുകളും, കാത്തിരിപ്പുകളും, തപാൽപെട്ടിയിൽ കത്ത് ഇടുമ്പോഴുണ്ടായിരുന്ന ആ സന്തോഷവും… ഇന്നും മനസ്സിൽ മായാതെ കിടപ്പുണ്ട്. കാലം ഒരുപാട് മുന്നോട്ട് പോയെങ്കിലും, ആ നല്ല നാളുകളും പ്രിയപ്പെട്ട കൂട്ടുകാരും ഇന്നും മനസ്സിൽ അതേപോലെ തന്നെയുണ്ട്. നമ്മൾ ആദ്യമായി എഴുതിയ കത്ത് പോസ്റ്റ് ചെയ്ത ആ ദിവസം ഓർമ്മയുണ്ടോ? എനിക്ക് ഇന്നും എല്ലാം ഓർമ്മയുണ്ട്… പതിനഞ്ച് പൈസയ്ക്ക് രാമേട്ടന്റെ കടയിൽ നിന്ന് വാങ്ങിയ ആ പോസ്റ്റ് കാർഡ്. അതിന്റെ പുറത്ത് വിലാസം എഴുതുമ്പോൾ ഒരു അക്ഷരം പോലും തെറ്റിപ്പോകാതിരിക്കാൻ എത്ര ശ്രദ്ധിച്ചിരുന്നുവെന്ന്! പിന്നെ പിൻകോഡ് ശരിയാണെന്ന് ഒന്നുകൂടി ഉറപ്പുവരുത്തി ഉമ്മയുടെ കൂടെ പോയി അത് പോസ്റ്റ് ചെയ്തതും… അതിനുശേഷം തുടങ്ങുന്ന കാത്തിരിപ്പ്. തപാൽക്കാരൻ വരുന്നതും നോക്കി കാത്തിരുന്ന ആ ദിവസങ്ങൾ. ഒടുവിൽ മറുപടി കിട്ടുമ്പോഴുണ്ടായിരുന്ന സന്തോഷം… കത്ത് കൈയിൽ കിട്ടി, ഓരോ വരിയും പതുക്കെ വായിച്ചിരുന്ന ആ നിമിഷങ്ങൾ… അതൊന്നും ഇന്നും മറക്കാൻ കഴിയില്ല. ഒരുപക്ഷേ, അന്നത്തെ സന്തോഷങ്ങൾക്ക് ഇന്നത്തെ വലിയ കാര്യങ്ങളേക്കാൾ ഒരു പ്രത്യേക ഭംഗിയുണ്ടായിരുന്നു. ആ പഴയ കാത്തിരിപ്പുകളും, ആ ചെറിയ സന്തോഷങ്ങളും… ഇന്നും മനസ്സിന്റെ ഏറ്റവും പ്രിയപ്പെട്ട ഓർമ്മകളിൽ തന്നെയുണ്ട്. മറുപടി അയക്കുമെന്ന് പ്രതീക്ഷിക്കുന്നു. സ്നേഹത്തോടെ, #നൊസ്റ്റാൾജിയ #ഗൾഫ്ജീവിതം #മിഡിൽഈസ്റ്റ് #കുവൈറ്റ് #ജീവിക്കാൻമറന്നബാലൻ
