@wisala_2: سوء تغذیه سوء تغذیه هغه حالت دی چې کله د انسان بدن ته د اړتیا وړ خواړه او مهم غذایي مواد په کافي اندازه ونه رسېږي. دا ستونزه په ماشومانو، لویانو او په ځانګړي ډول په هغو کسانو کې ډېره لیدل کېږي چې مناسب او متوازن خواړه نه لري. د سوء تغذیې له امله انسان کمزوری کېږي، وزن یې کمېږي، ژر ستړی کېږي او د بدن دفاعي سیستم یې کمزورې کېږي. په ماشومانو کې بیا د ودې او زده کړې په برخه کې هم ستونزې پیدا کولی شي. د سوء تغذیې د مخنیوي لپاره باید متوازن خواړه وخوړل شي. په خوړو کې سبزیجات، مېوې، شیدې، هګۍ، غوښه، لوبیا او نور صحي خواړه شاملول مهم دي. همدارنګه پاکې اوبه څښل او د خوړو پاکوالي ته پام کول هم ډېر مهم دي. که یو څوک د اوږدې مودې لپاره ښه خواړه ونه خوري، نو باید د روغتیا له کارکوونکي سره مشوره وکړي، ځکه چې کېدای شي د بدن لپاره د مهمو ویټامینونو او نورو غذایي موادو کمښت ولري.