@ihate_you814w: منهنجو ڀاءُ خادم حسين جتوئي شهيد ڪيو ويو، اسان جو گهر اجڙيو ۽ اسان پنهنجو ڀاءُ وڃايو. پر افسوس، اڄ به اسان جي خاندان کي مسلسل هراسان ڪيو پيو وڃي، اسان تي ڪوڙا الزام لڳايا پيا وڃن ۽ اسان تي دٻاءُ وڌو پيو وڃي ته جيئن اسان پنهنجي ڀاءُ جي خون لاءِ انصاف جي گهر تان پوئتي هٽون. عبدالله جتوئي، حسين جتوئي، مقبول جتوئي ۽ علي بخش جتوئي بابت جيڪي بيان ۽ وڊيوز سامهون آيا آهن، انهن ۾ خادم حسين جتوئي کي مارڻ بابت اعتراف جون ڳالهيون موجود آهن. اهي بيان ۽ وڊيوز عدالت جي سامهون موجود آهن، ۽ هن معاملي ۾ گرفتاريون به ٿي چڪيون آهن. پوءِ اسان کي اڄ تائين ڇو هراسان ڪيو پيو وڃي؟ اسان جي بابا، منهنجي ڀاءُ، منهنجي چاچي ۽ منهنجي ڪزنن تي ڪوڙا الزام ڇو لڳايا پيا وڃن؟ جيڪڏهن اسان خلاف توهان وٽ ڪو ثبوت موجود آهي ته اهو سامهون آڻي پيش ڪيو. پر بغير ڪنهن ثبوت جي ڪنهن تي الزام ڪيئن لڳائي سگهجي ٿو؟ اسان جي خاندان کي ڪوڙن الزامن، ڌمڪين ۽ هراسان ڪرڻ جو سلسلو بند ڪيو وڃي. اسان جي صدر آصف علي زرداري صاحب، چيئرمين بلاول ڀٽو زرداري صاحب، ڊي آءِ جي لاڙڪاڻو صاحب، ايس ايس پي لاڙڪاڻو صاحب ۽ سمورن اعليٰ اختيارين کي دل سان اپيل آهي ته اسان جي خاندان جي هراسان ٿيڻ ۽ ڌمڪين جو نوٽيس ورتو وڃي. #JusticeForKhadimHussainJatoi #JusticeForKhadim #SSPLarkana #DIGLarkana #AsifAliZardari 😭