@hlaing34217: #အရင်က ကျွန်မဟာ သံယောဇဉ်ကို အလေးအနက်ထားလွန်းတဲ့ မိန်းမတစ်ယောက်ပါ။ လူတစ်ယောက်ကို ခင်တွယ်ပြီဆိုရင် ကိုယ့်ဘက်က ရာနှုန်းပြည့် ပုံအောပေးတတ်တာ ကျွန်မရဲ့ အကျင့်။ အချစ်မှာပဲဖြစ်ဖြစ်၊ ခင်မင်မှုမှာပဲဖြစ်ဖြစ် "ဦးစားပေး" ရမယ်ဆိုရင် ကျွန်မက အမြဲတမ်း နောက်ဆုံးမှာပဲ နေခဲ့ပြီး သူတပါးကိုပဲ ရှေ့တန်းတင်ခဲ့တာ။ ဒါပေမဲ့ အဲဒီလို သံယောဇဉ်ကြီးတာကပဲ ကိုယ့်ကိုကိုယ် ပြန်သတ်နေတဲ့ လက်နက်ဖြစ်လာလိမ့်မယ်လို့ ကျွန်မ မထင်ခဲ့ဘူး။ တစ်ဖက်လူရဲ့ စာတစ်ကြောင်းကို မျှော်နေရတာ၊ ကိုယ်က ဂရုတစိုက် မေးမြန်းသမျှကို သူက အဖတ်မလုပ်သလို နေတာ၊ ကိုယ့်ရဲ့ စေတနာတွေကို အပိုတွေလို့ သတ်မှတ်ခံရတာတွေက ကြာလာတော့ နှလုံးသားကို ညောင်းညာစေပါတယ်။ အချိန်တိုင်း တစ်ဖက်လူရဲ့ အလိုကျ လိုက်ဖြည့်ဆည်းပေးနေရတဲ့ ဘဝက "သက်တောင့်သက်သာ" မရှိမှန်း ကျွန်မ သိလာရတယ်။ အခုတော့ ကျွန်မ ပြောင်းလဲသွားပါပြီ.... လူတွေကတော့ ကျွန်မကို အရင်လို မဟုတ်တော့ဘူး၊ "အေးစက်သွားတယ်" လို့ ပြောကြတယ်။ "ဟုတ်ပါတယ် ကျွန်မ အေးစက်သွားတာပါ' ဒါပေမဲ့ အဲဒါဟာ တစ်ဖက်လူကို မုန်းလို့ မဟုတ်ဘူး၊ ကိုယ့်ကိုယ်ကိုယ် ပြန်ချစ်ဖို့ အချိန်ပေးလိုက်တာပါ။ အရင်လို ဖုန်း Notification လေးတက်လာဖို့ မျှော်မနေတော့ဘူး။ တစ်ဖက်လူက အကြောင်းမပြန်ရင်လည်း "အင်း... သူ အလုပ်ရှုပ်နေလို့ ဖြစ်မှာပါ" လို့ ရိုးရိုးလေးပဲ တွေးပြီး ကိုယ်လုပ်စရာရှိတာ ဆက်လုပ်လိုက်တယ်။ ဒီလို အေးစက်စက် နေလိုက်ရတာက ပိုပြီး သက်တောင့်သက်သာ ရှိပါတယ်။ သံယောဇဉ်တွေ တနင့်တပိုးနဲ့ တစ်ဖက်လူနောက်ကို အပြေးလိုက်နေရတဲ့ အလုပ်က တကယ်တော့ ပင်ပန်းလွန်းပါတယ်။ အခုလို ဘာမှ မျှော်လင့်မထားတဲ့ "ဥပေက္ခာ" စိတ်လေးနဲ့ နေလိုက်တဲ့အခါမှပဲ ကျွန်မရဲ့ကမ္ဘာလေးက ပိုပြီး ငြိမ်သက်သွားတော့တယ်။ အေးစက်သွားတယ်ဆိုတာ... နှလုံးသားက သေဆုံးသွားတာမဟုတ်ပါဘူး။ ကိုယ့်ရဲ့ တန်ဖိုးရှိတဲ့ ခံစားချက်တွေကို မထိုက်တန်တဲ့နေရာမှာ မဖြုန်းတီးတော့ဖို့ "Safe Zone" တစ်ခု တည်ဆောက်လိုက်တာပါ။ အခု ကျွန်မ အေးချမ်းပါတယ်... ဘယ်သူ့အပေါ်မှ အငြိုးအတေးမရှိသလို၊ ဘယ်သူ့ဆီကမှလည်း အထူးတလည် ဂရုစိုက်မှုကို မတောင်းခံတော့ဘူး။ ဒါဟာ ကျွန်မရဲ့ ရင့်ကျက်တဲ့ အေးစက်ခြင်းပေါ့.......။#မူရင်းကိုcrd

254

2026-08-23 14:11:55

2026-08-26 07:48:42

To see more videos from user @hlaing34217, please go to the Tikwm homepage.