_كلت" زحمه استاذ علي ماعزمه شلون يربي استحي اكل وياا واستحي ماعزمه كتله" استاذ تاكل وياي؟ كال " والله متاني تعزميني واذا ماعزمتيني اكوم اخذها واكلها بدحدي " ضحكت وكمت صؤت مقابيله وكتله" لا عزمتك😂.. اخد الخاشوكه وياكل ويشتغل واني اكل رمان بهدوء باوعلي غاص بالضحك كال"شلون تشبعين انتِ على هاذا اكلج؟ ابتسمت وكتله يااا استاذ شبيه والله اكل واشبع' ضحك وكال باوعي ذني يراويني شغل الاسماء مال بنات ومدري شنو كملت اني وكتله استاذ شبعت راح اروح اجيب ماي واجي كال ماكلتي شي؟ كتله لا والله شبعت راح اروح واجي.. كال" تمام " نزلت للمحل داخل المدرسه اشتريت بطلين ماي وبطلين عصير رجعت شفته مخلص اكل قدمتلهه ماي وعصير الاستاذ كال " ليش بابه زحمتي نفسج " كتله شسالفه استاذ! شويه دك الجرس لساحه طلعت شويه ورجعنه للصف ومرن دروس وطلعنه اجا كروم وحمودي اخذونه يضحكون ويحششون علينه😂الزوج المرح.. وصلت للبيت لكيتهم كاعدين العائلتين سلمت وصعدت لغرفتي غيرت ملابسي وخليتهم بالغساله وعطر ومواد تنضيف ودخلت للحمام اسبح كملت لفيت نفسي بروب الحمام وطلعت اسشور شعري وامشط لبست ملابسي وصاحت امي من جوه تعالن تغدن وصيحي البنات راحن لاهلهن يجن هم يتغدن فتحت الباب يسرى جانت تبدل ومسار طلعت منار جوا اجت مسار حضنتني وكالت " اسراء شوفي شعري صاير متقصف كتلها طبعن يتقصف من سوالفج يوم تصبغينه اخضر يوم احمر ادري تخبلتي يا عيني مال الوجع كالت انطيني شعرج كتلها اخذي موتني كالت كولي الحمدلله وسكتي كتلها شوفي يسرى ماكملت! ادري عروس امي راح ترزلنه والبنات هسه لقاء وخديجه شيجيبهن كتلها مسار جيبي جهازي خل اخابرها جابته واتصلت كلت اجذب عليها امقلبها فتحت وصرت كتلها ولجج لقاءء وينج لقاء ولج وكعت بالحمام وراسي ديصب دم انفتح خياطي يمهه تعاي يبوو حموت وسديت الاتصال طلعت يسرى واني اضحك ميته ضحك نزلنه وكفت ع جهه وهيه دخلت من الباب شعرها مبلل وبدون سيلبر وتركض اني كدامها مشافتني تركض تريد تصعد الدرج حتى تروحلي لزمها كرار من شعرها وكاللها" شبيج مدرعماا تكول صاروخ وجهج ليكدام ورجليج ليورا وتركضين 😂 وكرار لازم شعرها وهيه تمشي رجليها ليكدام وترجع ليورا وشعرها مكضوض وترد متت ضحك على شكلها كعدت اضحك وغصيت من كالت" اسراء طاحت هدنيي " لزم متنها وكللها باعي هيج وخلاها على جهتي كالت وخرر مو هيه كاللها لا هيه كالت لا مو هيه والنبي.. متنه ضحك اخر شي فتحت عيونه بصدمه واستوعبت باوعتلنه وشافت حذاء حسين جابته وتركض وراي بلحذاء اخر شي وكفتها كتلها هيي ستوب حذاء حسين عفتي الاحذيه كلها جيتي لهاي روحي ذبيها وجيبي نعال ابوي متت ضحك راحت ذبته وجابت نعال ابوي وتركض وراي😂 وراه معانات سكتتها وكعدنه نتغدا امي وخالتي يضحكن عليه كعدت يم امي تسويلي لفات وتوكلني كملنه اكل وخالتي حسيتها ماتحجي مع حسين صح انقهرت بس خيولي لان هوا يحب امه حيل ومبين زعلانه منه علمودي..مرن يومين هدوء وبعدها سمعت حسين كايل عرسه بعد يومين كلبي جان نارر وشكلي جان ثلج بس كلبي شيقنعه واني مشتعله غيره أغار عليه؟ إي أغار، وگلبي ينكسر من أشوفه يخطب غيري… بس أضحك وأتظاهر ما فارگ وياي، وكأني ما يهمني.أضحك وأگول عادي، وداخلي ألف وجع.... يتبع - @ma_mam9