@saniya.toiken: 💋👀Қазақстанда амандасуға қатысты жаңа норма қалыптасуы мүмкін. Қасым-Жомарт Тоқаев жұрт алдында құшақтасып, сүйісіп амандасуды сынға алды. Ол мұны қазақы дәстүрге жат деп жаңа әдеп бастамасын ұсынды. Бұл туралы ол бүгін сайлау учаскесінде дауыс бергеннен кейін журналистерге арналған брифинг барысында айтты. «Еркектердің бір-бірін құшақтап, сүйгені, әйелдердің еркектерді, еркектердің әйелдерді сүйіп амандасқаны дұрыс емес. Мұндай әдет салтымызда болған емес. Әсіресе, әскерилер мен генералдардың бір-бірін құшақтауы, бұл қалай? Совет Одағы маршалдарының бір-бірін құшақтап, сүйісіп тұрғанын елестете аласыздар ма?», – деді Тоқаев. Оның сөзінше, еркектер тек қол алысып амандасуы керек. Одан артық керек емес. Қатты қуансаң, оң қолды жүрек тұсына қойып, амандасуға болады.