کڈاہیں کڈاہیں انتظار صرف کہیں شخص دا نیں ہوندا بلکہ اپنڑیں خوشیں اپنڑے سکون اور اپنڑی ادھوری دعائیں کوں پورا ہوونڑ دا ہوندے اور جڈاں انتظار عروج تے پہنچ ونجے تاں وقت دا ہک ہک لمحہ وزنی بنڑ ویندے گھڑی دی ٹک ٹک عام آواز نیں لگدی بلکہ ایویں محسوس تھیندی ہے جیویں آخری ساہ دے نال چلدی پئی ہووے ہر گزرنڑ آلا لمحہ ہک نویں چوٹ لگا ویندے ہر آونڑ آلی شام اداسی نال گھن کے آندی ہے اور ہر رات جاگنڑ آلیں اکھیں اچ حسرتاں چھوڑ ویندی ہے انتظار دی اذیت او سمجھ سگدے جیں کہیں کوں دل دی گہرائی دے نال چاہا ہووے جیں کہیں ہک شخص کیتے اپنڑیاں دعائیں اور بے شمار راتیں دے نال گزاری ہووے جیں ہک آہٹ تے دروازے دو ڈٹھا ہووے اور خاموشی کوں اپنڑاں مقدر من گِدا ہووے وقت رکدا نیں لیکن محسوس ضرور تھیندے انسان کوں ایویں لگدے جیویں وقت رک گیا ہووے منٹ گھنٹے اچ اور گھنٹے سالیں اچ تبدیل تھی ویندن ول وی دل صرف ایہو سوچیندا رہ ویندے شاید ہنڑ او آویسی شاید ہنڑ کوئی خبر ملسی شاید ہنڑ قسمت مہربان تھی پوسی کجھ انتظار اینجھے ہوندن جیڑہے انسان دی مسکراہٹ چھک گھندن اکھیں دی چمک ہمیشہ کیتے بجھا ڈیندن اور دل کوں ہمیشہ کیتے خاموش کر ڈیندن اوندے بعد انسان لوکیں دے درمیان رہ کے خود کوں تنہا محسوس کرنڑ لگ ویندے اور کھلدا وی ہے صرف ہک رسم نبھاونڑ کیتے بولیندا وی ہے تاں صرف ضرورت دی حد تک لیکن اوندے اندر ہک خاموش جنگ جاری رہندی ہے ہک اینجھی جنگ جیندے اچ امید وی زخمی ہوندی ہے اور صبر وی اور اوندے بعد انسان دنیا کیتے اپنڑے آپ کوں ہمیشہ کیتے دفن کر ڈیندے اپنڑے ادھورے خواب اپنڑیاں ادھوریاں حسرتاں اور اپنڑی ادھوری دعائیں دے نال ہک ان کہی کہانی دا ہک کردار بنڑ ویندے اور ہک ڈہہوار ایں دنیا فانی اچوں ہمیشہ کیتے رخصت تھی ویندے@wahab bin Abdullah @Saleem chandia2931 @𝕴𝖘𝖒𝖆𝖎𝖑 𝖈𝖍𝖆𝖓𝖉𝖎𝖆 @چانڈیہ✌️ @Arham Khan 🦁💸 @Abdul Bari @chandia bloch - @ismailkhan00710