@itzzzmilan: ජීවිතේ දිනන්න අපි කරපු කැපවීම් ගැන නිදහසේ කතා කරන්න පුළුවන් දවසක් අපිටත් එයි…!! 🥹❤️‍🩹 අද අපි හිනාවෙලා හිටියට මේ හිනාව පිටිපස්සේ කොච්චර කඳුළු තියෙනවද කියලා කවුරුත් දන්නේ නෑ… අද අපි නිහඬව ඉන්නවාට කිසිම දෙයක් නොකරන මිනිස්සු කියලා හිතන අය ඇති… ඒත් අපි දන්නවා, අපි කොච්චර රෑවල් නිදි නැතුව ගෙවුවද කියලා… අනිත් අය සතුටින් නිදාගන්න වෙලාවේ අපි අපේ හීන වෙනුවෙන් අනාගතය ගැන හිතමින් තනියම සටන් කරපු රෑවල් තිබුණා… අපිට ආස දේවල් ගොඩක් අතහැරියා… අපිට වටින මිනිස්සු සමහර වෙලාවට ඈත් කළා… විනෝද වෙන්න තිබුණු කාලය වැඩ කරන්න දුන්නා… සතුටින් ගෙවන්න තිබුණු තරුණ කාලය අනාගතයක් වෙනුවෙන් නිහඬවම කැප කළා… ඒ හැමදේම කළේ කවුරුත් අත්පුඩි ගහයි කියලා නෙමෙයි… කවදාහරි අපේම ජීවිතේ ගැන අපිට ආඩම්බරයෙන් කතා කරන්න පුළුවන් වෙයි කියලා… 🥹 සමහරු ඇහුවා, “ඇයි මෙච්චර මහන්සි වෙන්නේ?” කියලා… සමහරු කිව්වා, “ජීවිතේ විඳින්නෙ නැද්ද?” කියලා… තවත් සමහරු අපේ නිහඬකම දුර්වලකමක් කියලා හිතුවා… ඒත් අපි කිසි දෙයක් කිව්වේ නෑ… මොකද අපිට පැහැදිලි කරන්න ඕනේ වුණේ නෑ… අපි ගෙවන දුක අපිටම තේරුණා නම් ඒ ඇති කියලා හිතුවා… ❤️‍🩹 කවදාහරි මේ දවස් පරණ මතක වෙයි… අද අපි බලාගෙන ඉන්න ඒ අවස්ථාව ලැබෙයි… අද අපිට නැති දේවල් එදා අපේ අතේ තියෙයි… අද අපිට හිනාවෙන්න බැරි සමහර දේවල් එදා මතක් කරලා අපිම හිනාවෙයි… එදා කෙනෙක් අහයි, “කොහොමද උඹ මේ තැනට ආවේ?” කියලා… එදා අපිට වචන ගොඩක් කියන්න පුළුවන්… අපි නිදාගත්තේ නැති රෑවල් ගැන… අපි අතහැරපු දේවල් ගැන… අපි දරාගත්ත දේවල් ගැන… අපිව විශ්වාස නොකළ මිනිස්සු ගැන… අපිටම අපිව සැක හිතුණු දවස් ගැන… ඒත් ඒ හැම කතාවක්ම කියද්දි අපේ ඇස්වල කඳුළු තියෙයි… මොකද ඒ කඳුළු දුකේ කඳුළු නෙමෙයි… “අපිට පුළුවන් වුණා” කියන සතුටේ කඳුළු… 🥹❤️‍🩹 ඒ නිසා අද මොන තරම් අමාරු වුණත් තව ටිකක් ඉවසමු… මොන තරම් පරක්කු වුණත් අපේ ගමන නවත්තන්න එපා… අනිත් අයගේ වේගය බලලා අපේ ගමන අවතක්සේරු කරන්න එපා… අපේ කතාව තවම ඉවර නෑ… අද අපි ලියන්නේ කඳුළින් තෙමුණු පිටු වෙන්න පුළුවන්… ඒත් කවදාහරි ඒ පිටුම අපේ ජයග්‍රහණයේ ලස්සනම කතාව වෙයි… 🤍 එදා… අපි නිදහසේ ඉඳගෙන අද දරාගන්න මේ හැමදේම ගැන කතා කරමු… “අපිට කොච්චර අමාරු වුණාද…” කියලා මතක් කරමු… “ඒත් අපි නතර වුණේ නෑ…” කියලා හිනාවෙමු… ජීවිතේ දිනන්න අපි කරපු කැපවීම් ගැන නිදහසේ කතා කරන්න පුළුවන් ඒ දවස… අපිටත් එයි… අනිවාර්යයෙන්ම එයි…!! 🥹❤️‍🩹✨ එතකම් කඳුළු තිබුණත් ඉදිරියට යමු… මහන්සියි නම් ටිකක් විවේක ගමු… ඒත් අපේ හීන අතහැරලා අපේ කතාව අතරමගින් අවසන් කරන්නේ නැතුව… 🤍🥹 #popular #xyow_2 #fypage

M I L A N 🥤

Open In TikTok:

Region: LK

Sunday 23 August 2026 13:11:30 GMT