@bahaa6840: كلنا نعثر… وكلنا نطيح، وكلنا تجي علينا أيام نحس بيها الدنيا كلها ضدنا. بس إذا تنكسر من أول طيحة… شلون تريد تعيش؟ شلون تريد حياتك كلها تمشي مثل ما تريد؟ منو كال الحياة لازم تكون بلا وجع، بلا خذلان، بلا خسارات؟ يغدرك صديق… يعوفك حبيب… يخذلك شخص چنت تعتبره أمان… تتعب صحتك… وتنصدم بأقرب الناس إلك. هاي هي الحياة. الحياة مو حلوة لأن ما بيها طلايب… الحياة حلوة لأن رغم كل طلايبها، تبقى تكوم وتكمل. لا تخاف من الطيحة… خاف من اليوم اللي تطيح بيه وتقرر ما تكوم. ولا تعتبر الخذلان نهاية… يمكن الخذلان هو الشي اللي يعلمك شلون ما تعطي قلبك لأي أحد. مو البطولة إنك ما تنكسر… البطولة إنك تنكسر، وتجمع نفسك، وتكوم… وكأن الدنيا ما گدرت عليك. لأن بعض الطيحات ما إجت حتى تنهيك… إجت حتى تعرف شكد أنت أقوى مما چنت تتصور.#foryoupage #الشعب_الصيني_ماله_حل😂😂 #fyp #اقتباسات_عبارات_خواطر

𓆩فكرة ممشوقة𓆪

Open In TikTok:

Region: IQ

Sunday 23 August 2026 16:49:06 GMT