@xeberler121: ÖMRÜMÜN İNSAN MƏNZƏRƏLƏRİ Günlərdən xəstəxana günləri. Duyğu yüklü bir ömür... Ağrıların mərkəzində həyat davam edir. Tez-tez xəstəxanalara gedirəm. Bir parkovka yerinə baxan gənc var ki, günlərdir, aylardır bizdən park pulu almır. Nə illah edirəm, olmur. Hər dəfə də utanıram başqa bir şey deməyə. Adam elə münasibət göstərir ki, heç nə edə bilmirsən. Bu gün "Sənin adın nədir?" dedim. "Elçin" dedi. Sonra çarəsizcə üzümə baxıb "Dağ kimi insanı nə hala saldılar" dedi... "Olur, həyatdır" dedim. Arxamca doluxsunmuş halda "olmaz olsun bu həyatı" dediyini eşitdim. Mənim də gözlərim doldu... Tanıdığım bir aptek var. Xəstəliyim məlum olandan bu tərəfə bəzi dərmanları bu aptekdən alıram. Tanıdığım, etibar etdiyim adamdır. İllərdir ona inanmışam. Adam xəstəlik məlum olandan bu yana məndən pul almır. İşçilərinə də tapşırıb - onlar da elə. Nə illah edirəm, inadını qıra bilmirəm. "Sizə bu millətin borcu var, Sizdən pul almaq olmaz!" deyir. 3 manat deyil, 5 manat deyil, bəzən 100-lərlə manatlıq dava-dərman alıram - olmur. Və... bu adam və əməkdaşları bir dəfə belə olmayıb ki, yüngülcə də olsa, etinasızlıq göstərsin. Utanıram. Aptekimi dəyişim? 1-2 dəfə hiss edib və... "Əvəz müəllim, məni sındırma..." deyib... Bir əziz dostum çox israr etdi, qıra bilmədim, bizi normal bir restorana qonaq apardı. Zatən bir yeməyim də yox, ancaq oturduq, yedik, deyib-güldük. Hesabın verilmə məqamı gəldi. Dostum hesabı istədi. Bizə gül kimi xidmət edən gənc yaxınlaşdı ki, "Əvəz müəllim, hesab verilib?" Təəccübləndik. "Kim?" dedim. Nə illah elədim ad söyləmədi. Sadəcə bir kəlmə dedi: "Tovuzlular Sizi çox istəyir!" Tutuldum, kövrəldim və "bütün Azərbaycan və tovuzlular var olsun!" dedim. Başıma o qədər belə hadisələr gəlir ki, ömür çatsa hətta böyük bir kitab yazmaq olar. Məni hər gün duyğulandıran Millət, Sənə minnətdaram! Yanan tonqala gətirilən quş dimdiyindəki su misalı... Hər kəs gücü çatanı edir... Mən bu Millətə nə etmişəm ki?!.. Nə edə bildim ki?! Əvəzə dəstək üçün kart hesabı 4613 8602 0167 7075

xeberler121

Open In TikTok:

Region: AZ

Sunday 23 August 2026 17:26:16 GMT