@atuganilemwakosya: WAUMINI ZAIDI YA 50 WADAIWA KUVAMIA NA KUVUNJA UKUTA WA UKUMBI MBeya Waumini zaidi ya 50 wa Huduma ya Fellowship Tanzania (HUFETA) wanadaiwa kuvamia na kuvunja sehemu ya ukuta wa ukumbi uliopo Mtaa wa Mwanyanje, Kata ya Igawilo jijini Mbeya, katika mgogoro unaohusu umiliki wa eneo hilo. Tukio hilo linadaiwa kuchochewa na madai ya waumini hao kwamba aliyekuwa Katibu Mkuu wa huduma hiyo, Frank Mgeni, amejimilikisha ukumbi huo kinyume na taratibu zilizowekwa ndani ya HUFETA. Waumini hao walifika eneo hilo na kuvunja sehemu ya ukuta wa ukumbi, wakieleza kuwa hatua hiyo inalenga kupigania mali wanayoamini kuwa ni ya huduma na ambayo haikupaswa kumilikiwa na mtu mmoja. Mgogoro huo unadaiwa kusababisha mvutano kati ya baadhi ya waumini na uongozi wa zamani wa huduma hiyo, huku waumini hao wakitaka umiliki na matumizi ya ukumbi huo kurejeshwa katika utaratibu wanaodai kuwa uliwekwa na HUFETA. Atumedia inaendelea kufuatilia mgogoro huo kwa ajili ya kupata upande wa uongozi wa zamani, Frank Mgeni, pamoja na taarifa kutoka mamlaka husika.

Atumedia Gospel Tv

Open In TikTok:

Region: TZ

Sunday 23 August 2026 18:10:48 GMT