@bakunews.az: Şabran rayonunun Çinarlər kəndində elektrik dirəklərinin və elektrik xətlərinin yararsız vəziyyətdə olması ciddi narahatlıq doğurur. Kənd sakinlərinin sözlərinə görə, elektrik dirəklərinin bir qismi çürüyüb, əyilib və aşmaq təhlükəsi ilə üz-üzədir. Elektrik kabellərinin isə ağacların budaqlarına dolaşması, bəzi xətlərin qırıq və nizamsız vəziyyətdə olması həm sakinlərin həyatı, həm də əmlak üçün real təhlükə yaradır. Sakinlər bildirirlər ki, məsələ ilə bağlı aidiyyəti qurumlara dəfələrlə müraciət edilsə də, indiyədək ərazidə ciddi araşdırma və bərpa işləri aparılmayıb. Vəziyyətin payız-qış ayları ərəfəsində daha da təhlükəli xarakter alacağı bildirilir. Güclü külək, yağış və qar nəticəsində çürümüş dirəklərin aşması və elektrik xətlərinin qırılması kəndin uzun müddət işıqsız qalmasına, hətta daha ciddi fəsadların yaranmasına səbəb ola bilər. Kənd sakinləri aidiyyəti elektrik qurumlarından məsələyə təcili müdaxilə etməyi, yararsız dirəklərin dəyişdirilməsini, elektrik xətlərinin qaydaya salınmasını və ağaclara dolaşmış kabellərin təhlükəsiz şəkildə bərpa edilməsini tələb edirlər. Qeyd edək ki, məsələ ilə bağlı aidiyyəti qurumların əvvəlcədən məlumatlandırıldığı bildirilir. Buna baxmayaraq, sakinlərin müraciətlərinə hələ də real əməli tədbirlə cavab verilməməsi suallar doğurur. Ümid edirik ki, məsələ ictimailəşdirildikdən sonra aidiyyəti qurumlar problemin ciddiliyini nəzərə alaraq Çinarlər kəndində vəziyyətə yerində baxış keçirəcək və mümkün faciənin qarşısını almaq üçün tədbir görəcəklər. Qış gəlməmiş tədbir görülməlidir. Çünki söhbət yalnız elektrik enerjisinin verilişindən deyil, insanların təhlükəsizliyindən gedir.#şikayət #şabran #azərişıq #şabran017 #çinarlar

BakuNews.az

Open In TikTok:

Region: AZ

Sunday 23 August 2026 22:15:06 GMT