NAMNA GANI YA KUFANIKIWA KATIKA MAISHA NA KUBAKI KATIKA KUFANIKIWA Ni kweli kuwa watu wengi hufanikiwa lakini sio wote wanaobaki katika mafanikio. Hizi ndizo kanuni saba kutoka kwa Askofu wetu Mkuu wa Kanisa la TAG alizowaachia vijana @iccdodoma wakati wanaendelea na semina yao.! 1. Kuwa na hali ya tafakuri ya Neno la Mungu - Mfanye Mungu kuwa namba moja katika maisha yako. 2. Jua muelekeo wako wa maisha - Uwe na ramani ya maisha yako, maono, mpango wako na ndoto zako uzijue. Ujue unatoka wapi, upo wapi na unaelekea wapi. 3. Uwe na azma, hali ya kuazimia. Uwe na makusudi ya maisha. Ujue kuwa kupata mafanikio katika haya maisha huna budi kuwa na azma na kuwa mtu wa kufanya kazi kwa bidii. Wokovu ni kwa Neema ila kufanikiwa katika maisha unahitaji kuvuja jasho. 4. Uwe na nidhamu ya maisha. Maisha yahusiana na Sheria, kanuni na miongozo. Kila kitu kina sheria na miongozo. Fuata sheria na miongozo. 5. Usiwe mtu wa kuridhika kirahisi. Watu wengi hawafiki mbali kwa sababu wanaridhika kirahisi sana kwa kudhani maisha ni kuwa na nyumba na gari na hivyo hudhani kuwa wamefika mwisho wa safari Yao. Kuna zaidi Mungu anataka uwe navyo katika maisha. Mungu anataka ufike mbali zaidi ya hapo. 6. Uwe mwadilifu. Uwe umenyooka! Kwa vijana, utaoa tu na utaolewa tu, Mungu atakuinua tu! Usipite njia za mkato. 7. Uwe na upendo na kuwatanguliza wengine. Hii wie sheria kwako kuwatanguliza wengine. Utajiri mkuu wa mtu sio pesa, sio elimu, sio majumba na magari bali ni watu wanaokuzunguka. Ukizungukwa na watu wanaomcha Mungu basi utafika mbali, ukitembea na choka mbaya nawe utaishia hivyo hivyo. * Hizi ndizo kanuni kila kijana azifuate na kuzishi na Mungu atamuwezesha. #iccdodoma #seminaYaVijana #kanuniZaMafanikio - @iccdodoma