البريود مش دلع، ولا مجرد ألم في البطن خفيف. البريود هي تغيرات هرمونية ليها تأثير كبير على المخ. تعالي الأول نفهم إيه اللي بيحصل في الهرمونات قبل البريود. عندنا هورمونين هما الأساس في قصتنا: الإستروجين والبروجسترون. الهورمونين دول بيعلوا لحد بعد التبويض، وبعد التبويض بيبتدوا يقلوا، وقرب البريود الإستروجين والبروجسترون بيقلوا بشكل ملحوظ. طيب برضو إيه علاقتهم بالحزن اللي بيظهر قبل البريود، والعصبية والمود المتقلب؟! معظم الناس فاكرة إن الإستروجين والبروجسترون شغلتهم بس في الجهاز التناسلي. بس الحقيقة إنهم من أهم الهرمونات اللي بتأثر على المخ. إزاي؟ تعالي نقسمها كده: تيم البروجسترون 🟡 هو Progesterone → Allopregnanolone → GABA → GABA-A GABA-A هو مستقبل عصبي موجود على الخلية، وده اللي بيخلي الـGABA تشتغل. GABA عبارة عن مادة في المخ مسؤولة عن الهدوء وتقليل حساسية الجهاز العصبي. طيب إيه علاقته بالـProgesterone؟ الـProgesterone بيتحول لـAllopregnanolone، والـAllopregnanolone يمسك في GABA-A receptor، وده بيدعم شغل الـGABA ويخلي الجهاز العصبي أهدى. طيب… قبل البريود قولنا إن البروجسترون بيقل بشكل سريع، وبكده الـAllopregnanolone هيقل، وبالتالي تدعيم الـAllopregnanolone للـGABA هيقل، فالـGABA المسؤولة عن الهدوء شغلها بيتغير ومبتشتغلش بنفس الكفاءة. يبتدي يظهر على البنت القلق والعصبية والحزن والعياط. وتسأليها: «مالك؟» تقولك: «مفيش.» مهو فعلًا هي مش عارفة إيه اللي بيحصل! 😂 الإستروجين، وده مرتبط بالسيروتونين، واللي بنربطه بتنظيم المزاج، والدوبامين، وده مرتبط بالمكافأة والحماس. طيب… الإستروجين بيقل بشكل ملحوظ قبل البريود، وبالتالي نشاط نظام السيروتونين ممكن يتغير، فتبتدي البنت تحس بحزن، وعاوزة تعيط، ومش مبسوطة بدون سبب واضح. ويبتدي نظام الدوبامين والمكافأة يتغير، وده بقى ممكن يخلي البنت عاوزة شوكولاتة ويجيلها craving، علشان المخ بيبقى عاوز إحساس بالمكافأة، ومن أسرع الطرق وأسهلها الأكل. 🍫 هل كلنا الأعراض دي بتجيلنا بنفس الحدة؟ لا طبعًا. هل ده دلع؟ لا طبعًا. كل اللي بيحصل ده حدته بتزيد كل ما تكون حساسية الجهاز العصبي للتغيرات الهرمونية أكبر. وعلشان كده بتختلف أعراض الـPMS وقوتها من بنت للتانية. وفي بنات بتوصل لـ: PMDD — Premenstrual Dysphoric Disorder وبالعربي: اضطراب ما قبل الطمث الاكتئابي. هنكمل بقى في الجزء التاني: ليه البنت بتحس إنها عايزة Carbohydrates بشراهة وقت الـPMS؟ 🍫� #PMS#PMStrition #الشعب_الصيني_ماله_حل😂😂 ##viral#trending - @ayaabady542