@sapar_elbol: Балаңызға өз өмірін тануға мүмкіндік беріңіз Қазір ояну жолында жүрген адамдардың арасынан ата-анасына ренішті адамдарды өте көп кездестіремін. Қыздар да бар, жігіттер де бар. Сондықтан осы видеоны ең алдымен ата-аналарға арнағым келеді. Сіз өмірді қалай көресіз — бұл сіздің тәжірибеңіз. Сіздің қорқынышыңыз — сіздің қорқынышыңыз. Сіздің сенімдеріңіз, шектеулеріңіз, дүниеге деген көзқарасыңыз — сіздің жолыңыз. Бірақ балаңыздың өмірі — сіздің өміріңіз емес. Оған «өмір осындай», «адамдарға сенуге болмайды», «ақша табу қиын», «мынау дұрыс, мынау бұрыс» деп өз түсінігіңізді міндеттеудің қажеті жоқ. Бала бұл әлемді өзі танысын. Өзі қателессін. Өзі сүрінсін. Өзі таңдасын. Өзі өмірдің не екенін танып көрсін. Сіз өз тәжірибеңізбен бөлісе аласыз. Бірақ оның өмірін сол тәжірибеңіздің шеңберіне қамап қоймаңыз. Өйткені сіз балаңызды өмірге әкелдіңіз. Бірақ оның өмірін сіз өмір сүрмейсіз. Оған бағыт беріңіз, бірақ жолын тартып алмаңыз. Жақсы көріңіз, бірақ өз қорқынышыңызбен басқармаңыз. Кейде балаңыздың сізден алыстауы — сізді жек көргені емес. Мүмкін, ол алғаш рет өзін тануға бара жатқан шығар. Ал ата-ананың ең үлкен махаббаты — баласының өз жолын табуына мүмкіндік беру.

Сапаров Елбол Естаевич

Open In TikTok:

Region: KZ

Monday 24 August 2026 15:27:40 GMT