#takyksport #football #championsleague #barca #barselona «BARSELONA»NYŇ ULY MAKSADY — ÇEMPIONLAR LIGASY. BU GEZEK ÝENE BAŞGAÇA BOLUP BILER! 2026/27 möwsümi «Barselona» üçin aýratyn ähmiýetli bolup biler. Kataloniýa kluby bu möwsümde köp ýyllaryň arzuwyny — Çempionlar ligasynyň kubogyny gazanmak üçin iň amatly mümkinçilikleriniň birine eýe ýaly görünýär. Toparyň oýun gurluşy kem-kemden kämilleşýär, düzümiň esasy bölegi ýaş hem-de ýokary potensially futbolçylardan ybarat. Indi bolsa iň esasy mesele — şol mümkinçilikleri uly kuboga öwürmek. Ýöne Çempionlar ligasynda ýeňiş gazanmak üçin «Barselona» transfer penjiresiniň soňky günlerinde ýene bir möhüm ädim ätmeli. Topara ýokary derejeli hüjümçi gerek. Sebäbi möwsümiň iň möhüm pursatlarynda gol geçirip biljek, jogapkärçiligi öz üstüne alyp biljek täze ýyldyz katalonlaryň hüjümini has-da güýçlendirip biler. Şeýle-de bolsa, «Barselona» üçin şu tomsuň iň uly transferi hüjümçi däl. Esasy transfer — Rodri. 2024-nji ýylyň «Altyn top» eýesiniň we Ispaniýanyň milli ýygyndysynyň kapitanynyň «Barselona» goşulmagy diňe bir meýdançadaky hil taýdan däl, eýsem psihologiki taýdan hem uly tapawut döredip biler. Rodri merkezi meýdançada topa gözegçiligi güýçlendirip, «Barselonanyň» oýnuny has sabyrly, akylly we durnukly edip biler. Ol hüjümi gorag bilen birleşdirýän, oýnuň depginini dolandyrýan we iň dartgynly pursatlarda hem sowukkanlylygyny saklap bilýän futbolçy. Mundan başga-da, şeýle derejedäki futbolçynyň gelmegi geýim çalşygyndaky atmosferany hem üýtgedip biler. Rodriniň tejribesi, abraýy we liderlik häsiýetleri ýaş futbolçylara uly goldaw berer. «Barselonanyň» transfer meýilnamasy munuň bilen tamamlanmaýar. Klub transfer penjiresiniň soňky günlerinde birnäçe futbolçy bilen hoşlaşmagy we düzümi ýeňilleşdirmegi meýilleşdirýär. Şol bir wagtyň özünde bolsa ýene iki täze oýunçyny getirmek isleýär. Birinjisi — eýýäm aýdyşymyz ýaly, ýokary derejeli hüjümçi. Ikinjisi bolsa — çep aýakly merkezi goragçy. Sebäbi klub Pау Кубарсiniň ýanynda oýnap biljek, goragyň çep tarapyndan oýny gowy gurap bilýän ygtybarly futbolça mätäç. Eger Joan Laportanyň we Deko-nyň meýilnamalary doly amala aşsa, «Barselonanyň» düzümi hem hil, hem-de balans taýdan başga bir derejä çykyp biler. Rodri — tejribe we liderlik. Täze hüjümçi — goşmaça gol güýji. Çep aýakly merkezi goragçy — goragda balans. Bularyň üstüne ýaş, energiýaly we ýeňişe teşne futbolçylary goşsaň, «Barselonanyň» näme üçin Çempionlar ligasynyň esasy dalaşgärleriniň birine öwrülip biljekdigine düşünmek bolýar. Şonuň üçin 2026/27 möwsüminde esasy sorag diňe «Barselona» näçe kubok gazanar?» däl. Esasy sorag başga: Laporta bilen Deko-nyň meýilnamasy doly amala aşsa, bu «Barselonany» Çempionlar ligasynyň kubogyndan kim saklap biler? - @takyk_sport