@bongo_media: Leo, Agosti 24, 2026, mume wa Sharifa, Tariq Abdallah amesema alipokea simu kutoka Kituo cha Polisi Chanika na kuambiwa kuwa kuna mtu aliyefikishwa kituoni hapo kwa tuhuma za kuhusika na 'wizi' wa mtoto. Tariq amesema alipofika aligundua kuwa mtoto aliyekuwa akihusishwa na tukio hilo alikuwa mwanawe, Amayra, ambaye alipotea takribani mwezi mmoja na nusu uliopita. Kwa mujibu wa taarifa za awali zinazohusiana na tukio hilo, inadaiwa kuwa mtuhumiwa alimchukua mtoto huyo akambadili jina kwa lengo la kumdanganya mwanaume wake anayeishi Songea akidai kuwa alikuwa mjamzito na baadaye amejifungua. Taarifa za kuaminika ni kuwa mtuhumiwa anashikiliwa Kituo cha Polisi Chanika, huku jitihada za kumpata Kamanda wa Polisi Mkoa wa Kipolisi Ilala, ACP Yustino Mgonja au Kamanda wa Polisi Kanda Maalum ya Dar es Salaam SACP Muliro Jumanne Muliro zikiendelea.