@yonatidd: "ዓመተ ስደት" የሚባል የቀን አቆጣጠር ይሰየምልን የሚል ሃሳብ ያቀረቡ ሰዎች ሃሳባቸው ተቀባይነት ሲያጣ እንግዲያውስ "ዓመተ ምህረት" የሚለውም ይፋቅልን በማለታቸው የቀን መቁጠሪያው "እንደ ኢትዮጵያውያን አቆጣጠር (እ. ኢ. አ)" ተባለ አሉ። ምህረትን የሚገፋ፣ መልካም ምኞትና በጎ ተሥፋ የሚጎፈንነው እቡይ ትውልዱ መሐል ካለ ሁልጊዜም የሚሆነው እንደዚህ ነው። ጀንበር በአንተ ሰማይ እስከወጣች ድረስ በጋራ አንደምቅባትም። እርሷን ጽልማሞት አልብሰን በኩራዝ እንጨናበሳለን እንጂ ይልሃል። "ዓመተ ሂጅራ" የሚባለው የእስልምና ቀን መቁጠሪያ ትርጓሜው "ዓመተ ስደት" ማለት ነው። መነሻ የሚያደርገውም መሐመድ በቁይረሾች ተገዶ ከመካ ወደ መዲና መሰደዱን ነው። ይህንን ኹነት የቀን መቁጠሪያ ጅማሬ ያደረጉ ሰዎች ይሰጠናል የሚሉት ትርጉም ይኖራል። በአጠቃላይ ደረጃ ሲታይ ግን ስደት የድል ምልክት አይደለም። የምህረት ወይም የጸጋ ማሳያም አይሆንም። በሰው ልብና መጻኢ ዕጣ ላይም የሚፈነጥቀው የተሥፋ ጮራ የለም። ስለዚህ ብዙዎቹ ሙስሊም ሀገራት እንኳ የግሪጎርያን ካላንደርን እንጂ "ዓመተ ስደት"ን አይጠቀሙም። እውነታቸውን ነው..! ክፉ ሚልኪ ባለበት ቃል ማን ቀኑንና ዓመቱን ይጀምራል..? ማንም..! የኢትዮጵያ ሙስሊሞች ግን ይመቻችሁ። "ሂጅራ" የምትለውን ቃል የማትተረጉሟት ለምን እንደሆነ ባነንባችኋል። እንዲህ ያለ አስጨናቂ ትርጓሜን የሚሠጥ የቀን መቁጠሪያ ስያሜ ያለው ሰው ሌላው ላይ ቃሉ ውብ፣ ትርጓሜው ስሙር፣ ትዕምርቱ ድንቅ የሆነ የካላንደር ስያሜ ሲያይ መበሳጨቱ የሚጠበቅ ነው። ታሪክ ወይም ባሕል፣ እምነት አሊያም እውነት ያላጎናፀፉትን እሴት በሰው እጅ ላይ ማየቱ ቢያሳምመው አይፈረድም። በዚሁ ላይ ግለሰባዊ እኩይ ጠባይም አይጠፋም። ብቻ... "ምቀኞች ይበልጥ የሚደሰቱት በራሳቸው ማግኘት ሳይሆን በወዳጆቻቸው ማጣት ነው" እንደሚባለው ታዋቂ አባባል የ"ባልበላውም ጭሬ ልበትነው" ፖለቲካን በዘመን ስያሜያችን ላይ መፈፀሙን ተመልክተናል። ለማንኛውም ላይ ሠፈርም ሆነ ታች ሠፈር ያለ ሁሉ መገንዘብ ያለበት እውነት አለ። የካሌንደሩ ስም አጠራር እምነታችንን አይገልፅምና ልናየው አንፈልግም ያሉ ሰዎች በወደዱት ሊጠቀሙ ይችላሉ። እኛ ደግሞ እምነታችንን ብቻ ሳይሆን ተሥፋችንንና ምኞታችንን ሁሉ ሸክፎ የያዘውን ቃል እንደያዝን እንፀናለን። ማንም ተነስቶ ሰለ እምነታችን እምነታችሁን ሰዉልን ሊለን አይችልም። በዚህም የሚያስገድደን ሕግ፣ የሚያንበረክከን ጫና የለም። አሁንም ቢሆን የኢትዮጵያም ሆነ የአውሮፓ ዘመን መቁጠር የሚጀምረው በክርስቶስ ልደት ላይ ነው። አዝማናት ከፋዩ ጌታ ዓመተ ፍዳን በዓመተ ምህረት፤ ብሉይን በሀዲስ መለወጡን የሚያሰቀር አንዳች ነገር የለም። የጌታ ልደት ዘመናትን ብቻ አይደለም ታሪክን፣ ሕይወትን፣ ዕድልን፣ ምልከታን፣ መስመርን... ነገርን ሁሉ የለወጠ ነው። ምን ይደረግ..? ቅዱስ ጳውሎስ እንዳለ "ለእውነት እንጂ በእውነት ላይ ምንም ለማድረግ አንችልምና" (2ቆሮ፡13፥8) ነሐሴ 18 / 2018 ዓመተ ምሕረት (ዓ.ም) #ethiopian_tik_tok🇪🇹🇪🇹🇪🇹🇪🇹 #fypシ゚viral #habesha #habeshatiktok #fypシ

የ1991 ቡቃያ

Open In TikTok:

Region: ET

Monday 24 August 2026 19:31:16 GMT