@._.sali._0: خوایە… هەندێک جار مرۆڤ لە خۆی دەپرسێت: «بۆچی هەموو شتێک بۆ من ئەوەنە قورسە؟» نەک چونکە ناتوانێت بەرگەی ژیان بگرێت، بەڵکوو چونکە زۆر شتی بەسەر هاتووە کە هیچ کەسێک نایبینێت. زۆر جار ئەم پرسیارەم لە خۆم کردووە. لەو شەوانەی کە هەمووان بەئارامی خەوتون، من لەگەڵ بیرەکانم دەجەنگم. لەگەڵ ئەو هەموو شتانەی کە دەمەوێت بیانڵێم، بەڵام کەسێکم نییە بۆیان بڵێم. هەست ئەکەم ژیان هەر جارێک دەرفەتێک بۆ خۆشحاڵبوونم ئەدات، پاشان بە یەکجار لێم ئەستێنێتەوە. هەر کاتێک دڵم ئەڵێت :«ئەمجارە لەوانەیەباش بێت…» شتێک ڕوودەدات و دووبارە هەموو ئەو هیوا بچووکەی ناو دڵم دەکوژێتەوە. ئەوەی ناوی بێبەختییە. بێبەختی تەنها ئەوە نییە کە پارە یان شتێکت کەم بێت.هەندێک جار بێبەختی ئەوەیە ئەو شتەی زۆر دەتەوێت،هەرگیز بەدەستت نەگات. ئەوەیە کە کەسێکت زۆر خۆش بوێت، بەڵام تۆ لە دڵی ئەو کەسەدا شوێنێکت نەبێت. ئەوەیە کە هەموو کەسێک کە بێتە ژیانتەوە، لە خۆت بپرسیت: «ئەمەش کەی ئەڕوات؟» چونکە ئەوەندە جار خەڵک ڕۆیشتوون کە متمانەت بە مانەوەی هیچ کەسێک نەماوە. هەندێک جار بێبەختی ئەوەیە کە لە نێوان هەزار کەسدا بیت، بەڵام یەک کەسیش نەبێت کە بتوانیت بە ڕاستی پێی بڵێیت: «من باش نیم.» هەندێک کەس لە ژیاندا بە ئاسانی ئەو شتانە بەدەست دەهێنن کە تۆ ساڵانە چاوەڕێیان دەکەیت. ئەوان تەنها دەست درێژ دەکەن و شتەکەیان لەبەرە.تۆ دەکۆشیت، چاوەڕێ دەکەیت، هەزار جار هیوا دەبەستیت، بەڵام لە کۆتاییدا هەرچی دەڵێیت: «لەوانەیە ئەمجارە…» دەبینیت دووبارە دەرگاکە داخراوە. بێشەنسی ئەوەیە کاتێک هەموو شتێک ئامادەیە بۆ ئەوەی بێت، تەنها یەک شتی بچووک ڕوودەدات و هەموو شتێک تێک دەچێت.ئەوەیە کە لە کاتی پێویستدا کەسێک لە تەنیشتت نەبێت. ئەوەیە کە کاتێک پێویستت بە یەک دەرفەتە، هەموو دەرگاکان دەبنە دیوار. و لە دوای هەموو ئەمانە مرۆڤ دەگاتە شوێنێک. بێزاری لە خەڵک. بێزاری لە قسەکان. بێزاری لە چاوەڕوانی. بێزاری لە «لەوانەیە». بێزاری لە «سبەی». بێزاری لەوەی هەر جارێک خۆت کۆ بکەیتەوە و دووبارە شتێک تۆی بشکێنێت. هەندێک جار مرۆڤ لە خۆشییەکانیش بێزار دەبێت، چونکە کاتێک زۆر جار خۆشحاڵیت بە کەمێک هیواوە دەست پێ کردووە و لە کۆتاییدا بە گریانی کۆتایی هاتووە، دڵت فێر دەبێت لە هیچ شتێک چاوەڕێ نەکات. دەبیتە کەسێک کە کاتێک شتێکی جوان ڕوودەدات، لە جیاتی ئەوەی خۆشحاڵ بیت، لە خۆت دەپرسیت: «ئەمە کەی دەخراپێت؟» ئەمە لەوانەیە قورس‌ترین جۆری ماندووبوون بێت. نە ماندووبوونی جەستە، بەڵکوو ماندووبوونی دڵ. ئەوەیە کە دەخەویت بەڵام ئارام نابیت. دەخۆیت بەڵام تام نییە. پێدەکەنیت بەڵام دڵت پێناخەنێت. لەگەڵ خەڵک دادەنیشیت بەڵام هەست دەکەیت لە دوورەوە سەیری خۆت دەکەیت. هەندێک جار تەنها دەتەوێت کەسێک بێت و بڵێت: «من تێدەگەم.» نە پێویستە چارەسەر بکات، نە پێویستە ئامۆژگاری بکات، نە پێویستە بڵێت «هەموو شتێک باش دەبێت.» تەنها بۆ ماوەیەکی کەم لە تەنیشتت دابنیشێت. چونکە هەندێک جار مرۆڤ چارەسەری ناخوازێت؛ تەنها دەیەوێت کەسێک هەستی بە ئازاری بکات. من لە هەموو ئەو «باشم» ـانە ماندووم کە لە کاتێکدا وتموون کە لە ناوەوە باش نەبووم. لە هەموو ئەو پێکەنینانە ماندووم کە بۆ ئەوە بوون کە کەسێک نەزانێت دڵم چۆنە. لە هەموو ئەو چاوەڕوانییە ماندووم کە کۆتاییەکەی هیچ نەبوو. لە هەموو ئەو کەسانە ماندووم کە بەڵێنی مانەوەیان دا بەڵام یەکەم کەسان بوون کە ڕۆیشتن. لە خۆشم بێزارم کاتێک زۆر بیر لە ڕابردوو دەکەمەوە. لە خۆشم بێزارم کاتێک هەموو شتێک بە دڵم دەگرم. لە خۆشم بێزارم کاتێک بە کەسێک زیاتر لەوەی شایستەیە باوەڕ دەکەم. بەڵام لەگەڵ هەموو ئەمانەشدا هێشتا لە ناوەوە شوێنێکی بچووک هەیە کە نایەوێت دەست لە هیوا هەڵبگرێت. هەرچەندە بێبەختی هەموو جارێک دەڵێت «نابێت»، هەرچەندە بێشەنسی دەرگاکان دادەخات، هەرچەندە بێزاری دڵم پڕ دەکات، هێشتا لە ناوەوە دەنگێکی بچووک هەیە کە دەڵێت: «لەوانەیە سبەی جیاواز بێت.» لەوانەیە ڕۆژێک ئەوەی ئەمڕۆ بە گریانی دەنووسم ببێتە چیرۆکێک کە بە پێکەنین بیری لێ بکەمەوە. لەوانەیە ڕۆژێک کەسێک بێت کە لەگەڵیدا پێویستم نەبێت خۆم بشارمەوە. لەوانەیە ڕۆژێک دڵم بزانێت هەموو ئەو شتانەی ڕۆیشتن هەرگیز بە مانای ئەوە نەبووە کە من شایستەی مانەوە نیم. لەوانەیە بێبەختی کۆتایی چیرۆک نەبێت. لەوانەیە بێشەنسی تەنها ماوەیەک بێت. و لەوانەیە بێزاری هەموو ئەو خەمە بێت کە دڵم زۆر ماوە هەڵیگرتووە. بۆیە ئەگەر ئەمڕۆ هەست دەکەیت هیچ شتێک بۆ تۆ نییە، ئەگەر هەست دەکەیت ژیان هەر جارێک لەبەردەمت دەرگایەک دادەخات، ئەگەر هەست دەکەیت هیچ کەسێک تێ ناگات،

4495

455

2026-08-25 08:40:14

2026-08-25 09:42:45

2026-08-26 20:45:10

To see more videos from user @._.sali._0, please go to the Tikwm homepage.