غزل پښتو څه ده؟ پښتو مینه ده خوږه ده یو غازي ته د ملالې خولې ټپه ده ژوندون څه دی؟ ژوند په سپین کاغذ لیکل دي ژوند نیمګړی دی، زما او ستا کیسه ده مینه څه ده؟ مینه دا وه چې موږ وکړه مینه خوب دی یوه برخه یې خوږه ده وطن څه دی؟ وطن ژوند دی او سکون دی وطن مور ده او سپیڅلې یې نامه ده سلګۍ څه ده؟ دا زما د زړه اواز دی سلګۍ درد دی، د غمونو ترانه ده هجران څه دی؟ دا په اور ځان سوزول دي هجران غم دی، د یادونو اندېښنه ده وفا څه ده؟ دا د دروغو څو وعدې دي وفا لفظ دی، بې خونده کلیمه ده کابل څه دی؟ کابل ځای د څو نازکو کابل شور دی، خاموشي پرې راخوره ده کلی څه دی؟ مازیګر دی او یاران دي کلی مینه ده، خو لاره یې اوږده ده هغه څوک ده؟ په رګونو کې مې ساه وه هغه شته خو اوس زما لپاره مړه ده سوله څه ده؟ ورورولي ده، خوشحالي ده سوله تللې ده، ترې جوړه ډرامه ده پښتون څوک دی؟ باچا خان دی خوشحال خان دی پښتون ورک دی، د پښتو ډیوه یې مړه ده غني څوک و؟ یو یاغي باغي انسان و غني نشته ، د غني تشه پياله ده محبوب څوک دی؟ هم مغرور دی هم میین دی محبوب غلی دی، حیرانه زمانه ده محبوب. . . غزل نۀ دې ژاړي، نۀ دې سر پۀ زنګنو ږدي چې راځي بیا به مې پلونه پر ایرو ږدي داسې خلاصه ده د رنګ لۀ احتیاجه چې سینګار کوي خالونه لۀ اوبو ږدي ستا پۀ بنده، بنده ساه خوږې خبرې نغمه ګر چې لکه ګوتې پۀ تارو ږدی دا وعده یې لۀ کتابه هم ریښتیا ده چې قسم خوري لاس پۀخپلواننګو ږدي د جنډو به ورته پام وي کۀ به نۀ وي؟ څۀ به غواړي چې لونګ پۀ زیارتو ږدي؟ چې زما پۀ وینو سرۀ لاسونه ویني خودشرمېږي چې نکریزې پۀلاسوږدې نصیر احمد شهاب. . . . غزل کیسه به نوره ختمه کړو د دوو له برکته زړونه به راټول کړو د هغو له برکته حساب دی د کدرونو له وګړو جلا کیږې خر هم په کې ګډېږې د پیسو له برکته انسان چې دانسان تمې ته وازه خوله وي ناست بادام به هم ورکیږې د پیستو له برکته دا یو غږ دې په یوه ژبه له ټولو بدرګه شي وطن به مو جوړیږې د زلمو له برکته د خویندو په سبا چې باور نه لري ورکیږې ټکه دې رالویږې د دغسې پښتو له برکته څه بد کړي هغه زلمي چې دغه پیغله یې غوښته اعلان د مرګ یې وشو د تربرو له برکته ما خپله مینه خپله د رواج په سترګو مړه کړه زه هم مړ یم د بدو رواجو له برکته آصف حنفې #pushtopoetry #trending #fyp #poetry #tiktok - @realpukhton