@zawone.medicaltour: နှလုံးသွေးကြောကျဉ်းခြင်း၏ သတိပေးလက္ခဏာ (၃) ချက် ၁။ ရင်ဘတ်အောင့်ခြင်း / ရင်ဘတ်ကျပ်ခြင်း * နှလုံးသည် ဘယ်ဘက်တွင် ရှိသောကြောင့် အများအားဖြင့် ရင်ဘတ်အလယ် သို့မဟုတ် ဘယ်ဘက်ခြမ်းတွင် အောင့်လေ့ရှိသည်။ * ထို့အပြင် ဘယ်ဘက်လက်၊ လက်ချောင်းထိပ်များ သို့မဟုတ် မေးရိုး တို့ဆီသို့ နာကျင်မှု ကူးစက်ပြန့်နှံ့သွားနိုင်သည်။ * (မှတ်ချက်- အစာအိမ်အက်စစ်ပြန်တက်ခြင်း (GERD) ကြောင့်ဖြစ်လျှင် ရင်ပူခြင်း၊ ရင်ညွန့်တွင် စို့ခြင်း၊ လေပူတက်ခြင်းတို့သာ ဖြစ်တတ်ပြီး နှလုံးရောဂါနှင့် မတူပါ) ၂။ နေ့စဉ်လှုပ်ရှားမှုများတွင် ပုံမှန်ထက် ပိုမိုမောပန်းလွယ်ခြင်း * လေ့ကျင့်ခန်းလုပ်၍ မောခြင်းမျိုး မဟုတ်ဘဲ နေ့စဉ်ပုံမှန်လုပ်နေကျ ကိစ္စများတွင် မောပန်းလာခြင်းဖြစ်သည်။ * ဥပမာ - အရင်က လှေကားတက်လျှင် မမောသော်လည်း ယခုအခါ အဆင့်အနည်းငယ်တက်ရုံဖြင့် မောလာခြင်း၊ သို့မဟုတ် ကိုက်အနည်းငယ် လမ်းလျှောက်ရုံဖြင့် ချွေးစိမ်းပြန် မောပန်းလာခြင်း။ ၃။ ချွေးစိမ်းပြန်ခြင်းနှင့် ရင်တုန်ခြင်း * ပထမလက္ခဏာ (သို့) ဒုတိယလက္ခဏာတို့နှင့်အတူ ချွေးစိမ်းများထွက်လာခြင်း၊ ရင်တုန်ခြင်း ယှဉ်တွဲဖြစ်ပေါ်တတ်သည်။ * ဥပမာ - သာမန် လမ်းလျှောက်ခြင်း၊ အပင်ရေလောင်းခြင်းကဲ့သို့ ရိုးရှင်းသော ကိစ္စများလုပ်စဉ်တွင်ပင် ချွေးစိမ်းများထွက်၍ ရင်တုန်လာတတ်သည်။ သတိပြုရန်- ယခုအခါ နှလုံးသွေးကြောကျဉ်းရောဂါသည် သက်ကြီးရွယ်အိုများမှမဟုတ်ဘဲ အသက် (၃၀)၊ (၄၀)၊ (၅၀) အရွယ်များတွင်လည်း ဖြစ်ပွားနိုင်သည်။ မျိုးရိုးလိုက်ခြင်း၊ ကျန်းမာရေး မညီညွတ်သော စားသောက်မှုပုံစံ၊ ကိုလက်စထရော (LDL) မြင့်မားခြင်းတို့ကြောင့် ဖြစ်နိုင်သဖြင့် ကျန်းမာရေးကို ဂရုစိုက်ကြပါရန် အကြံပြုထားပါသည်။ #drzarnizin #ထိုင်းနိုင်ငံဆေးကုသမှု #ကိုဇော်ဝမ်း #medicalcheckup #healthtravelthailand

Zawone Medicaltour

Open In TikTok:

Region: TH

Tuesday 25 August 2026 05:41:49 GMT