د امریکا استازو جرګې ته افغان‌الاصله امریکایۍ نومانده عایشه وهاب وایي، د امریکا حکومت باید دې ته له پام پرته چې کومه ډله واکمنه ده، له افغانستان سره ډیپلوماسۍ ته مخه کړي او تعامل رامنځته کړي. عایشه وهاب له امریکایۍ «ډیموکراسي ناو» رسنۍ سره په خبرو کې د افغانستان روان وضعیت خواشینوونکی بللی او هیله یې څرګنده کړې چې «امریکا د عملي تعامل له لارې افغان حکومت د بشري حقونو په برخه کې غوره لوري ته وهڅوي.» نوموړې زیاته کړې چې افغانستان بې‌شمېره طبیعي سرچینې لري او امریکا باید لږ تر لږه د مشارکت لپاره ورسره تعامل وکړي. عایشه وهاب په افغانستان کې د جنګسالارو ډلو په اړه ویلي: «دغه ډلې ناکامې او پر ناسم لوري روانې دي؛ ځکه دوی هغه څه نه کوي چې د هېواد په ګټه وي، بلکې هغه څه کوي چې د دوی په خپله ګټه وي. موږ ان د امریکا د ملاتړ پر مهال هم لیدلي چې دغو جنګسالارو ډلو عملاً هېواد لوټلی دی.» #طلوع‌نیوز#پشتون_تاجیک_هزاره_ازبک_زنده_باد🇦🇫 #پښتو #خبرونه #foruyou - @azizi_81.82