@shimal.news: 2026-cı ildə Azərbaycanda 169 abituriyent ali təhsil müəssisələrinə müsabiqədənkənar qaydada qəbul olunub. Onların 3-ü beynəlxalq, 103-ü isə respublika fənn olimpiadalarının qalibləri, 63-ü isə beynəlxalq səviyyədə akkreditasiya olunan təhsil proqramının (IB) iştirakçılarıdır. Shimal.News-un məlumatına görə, müsabiqədənkənar qəbul olunanlar arasında Quba və Şəkidən olan məzunlar da yer alıb. Belə ki, riyaziyyat üzrə Respublika Fənn Olimpiadasının üçqat qalibi, Quba təmsilçisi Emin Ağayev ADA Universitetinin Kompüter elmləri fakültəsinə müsabiqədənkənar qəbul olunub. Şəki şəhər Kimya-Biologiya Təmayüllü Respublika Liseyinin riyaziyyat üzrə RFO qalibləri Nihad Nurməmmədov və Aydın Məmmədli də müsabiqədənkənar qəbul hüququndan yararlanıblar. Nihad Nurməmmədov ADA Universitetinin İnformasiya texnologiyaları, Aydın Məmmədli isə Bakı Ali Neft Məktəbinin Kompüter elmləri ixtisasına qəbul olunub. Qeyd edək ki, beynəlxalq və respublika fənn olimpiadalarının qaliblərinin ali təhsil müəssisələrinə müsabiqədənkənar qəbulu Nazirlər Kabinetinin 2019-cu il 20 may tarixli 229 nömrəli qərarı ilə təsdiq edilmiş qaydalar əsasında həyata keçirilir. #shimalnews #şimal #quba #şəki #universitet #qəbul

shimal.news

Open In TikTok:

Region: AZ

Tuesday 25 August 2026 11:00:00 GMT