@serhed.az: Kənd Təsərrüfatı Nazirliyi fermerin südün ucuz qiymətə toplanması ilə bağlı sosial şəbəkələrdə yaydığı şikayət videosuna münasibət bildirib. Serhedaz.az xəbər verir ki, Nazirliyin İctimaiyyətlə əlaqələr və informasiya təminatı şöbəsinin müdiri Ramin Qurbanın sözlərinə görə, fermer məsələ ilə bağlı növbəti video paylaşaraq problemin artıq həll olunduğunu bildirib. Qeyd olunub ki, dövlət tərəfindən fermerə müvafiq dəstəyin göstərilməsi nəzərdə tutulur. R. Qurban əlavə edib ki, fermerlərə veriləcək dəstəyin dəqiq həcmi Subsidiya Şurasının keçiriləcək növbəti iclasında müəyyənləşdiriləcək. Məlumata görə, fermer yeni videosunda göstərilən diqqət və dəstəyə görə aidiyyəti dövlət qurumlarına və dəstək olan hər kəsə təşəkkürünü bildirib.