@lymengorng105: ១. ទឹកស្ងប់ បង្កើតបានប្រាជ្ញា (ចិត្តដូចទឹក) ▪️ ពុទ្ធភាសិត «មហាសមុទ្រស្ងប់យ៉ាងណា ចិត្តរបស់បណ្ឌិតដែលដឹងច្បាស់នូវសច្ចធម៌ ក៏ស្ងប់យ៉ាងនោះដែរ។» ប្រសិនបើទឹកកម្រើកដោយសារខ្យល់ ឬល្អក់ដោយសារភក់ យើងមិនអាចមើលឃើញបាតទឹក ឬឆ្លុះបញ្ចាំងរូបភាពបានច្បាស់ឡើយ។ ចិត្តរបស់មនុស្សក៏ដូចគ្នា កាលណាត្រូវគ្របដណ្ដប់ដោយកំហឹង លោភលន់ និងរលកនៃអារម្មណ៍ នោះប្រាជ្ញាមិនអាចកើតឡើងបានទេ។ លុះត្រាតែចិត្តស្ងប់ដូចទឹកបឹងដ៏ស្ងប់ស្ងាត់ ទើបអាចមើលឃើញសច្ចធម៌ និងដោះស្រាយបញ្ហាបានត្រឹមត្រូវ។ ២. (ទឹកបន្តិចបន្តួចពេញក្អម) ▪️ ពុទ្ធភាសិត «បុគ្គលមិនគួរមើលងាយបុណ្យតូចតាចថា នឹងមិនឲ្យផលដល់ខ្លួនឡើយ។ ដំណក់ទឹកដែលស្រក់ចុះម្តងមួយដំណក់ៗ គង់នឹងពេញក្អមបានយ៉ាងណា បណ្ឌិតកាលសន្សំ/បុណ្យ សូម្បីបន្តិចបន្តួច ក៏គង់នឹងពេញដោយបុណ្យយ៉ាងនោះដែរ។» ព្រះពុទ្ធទ្រង់ប្រៀបប្រដូចអំពើល្អទៅនឹងដំណក់ទឹក។ ទោះជាការធ្វើល្អតូចតាចយ៉ាងណាក៏ដោយ ប្រសិនបើយើងធ្វើវាជាប្រចាំ វានឹងកើនឡើងបន្តិចម្តងៗរហូតក្លាយជាអំណាចកុសលដ៏ធំធេង ដូចជាដំណក់ទឹកស្រក់បន្តិចម្តងៗរហូតពេញក្អម។ ៣. រៀនបត់បែន និងដោះស្រាយបញ្ហាដោយភាពស្ងប់ស្ងាត់ (ភាពទន់ភ្លន់របស់ទឹក) នៅពេលជួបបញ្ហាប្រឈម ឬការផ្លាស់ប្តូរផែនការភ្លាមៗ កុំប្រញាប់ប្រតិកម្មដោយកំហឹង ឬភាពភ័យប៉ានិក។ ដកដង្ហើមវែងៗ រួចសួរខ្លួនឯងថា «តើខ្ញុំអាចប្រែប្រួល ឬរកផ្លូវវាងដូចទឹកដែលហូរគេចពីថ្មដារយ៉ាងដូចម្តេច?»។ ការប្រើហេតុផល និងភាពទន់ភ្លន់ក្នុងការជជែក តែងតែដោះស្រាយជម្លោះបានល្អជាងការប្រកួតប្រជែងយកឈ្នះចាញ់។ ៤. រស់នៅដោយទម្លាក់អាត្មានិយម (ទឹកហូរទៅទីទាប) ការរស់នៅប្រកបដោយភាពរមទម្យ និងការបើកចិត្តស្តាប់។ នៅក្នុងកិច្ចការងារ ឬការទំនាក់ទំនង រៀនធ្វើជាអ្នកស្តាប់ដ៏ល្អ ដោយមិនចាំបាច់បង្ហាញថាខ្លួនឯងពូកែជាងគេ ឬដឹងគ្រប់យ៉ាងនោះឡើយ។ ការជួយជ្រោមជ្រែងអ្នកដទៃឱ្យជោគជ័យ ដោយមិនចាំបាច់ទាមទារភាពល្បីល្បាញ គឺជាការទទួលបាននូវសេចក្តីសុខខាងផ្លូវចិត្តដ៏ពិតប្រាកដ។ ៥. រស់នៅក្នុងបច្ចុប្បន្នភាព (ទឹកហូរឥតត្រឡប់) ការលះបង់ចោលនូវរឿងអតីតកាល និងការមិនព្រួយបារម្ភហួសហេតុពីអនាគត។ នៅពេលធ្វើការងារអ្វីមួយ ចែកចិត្តឱ្យផ្តោតលើការងារនោះ ១០០%។ រៀនអត់ទោសឱ្យកំហុសឆ្គងកន្លងមក (ព្រោះវាដូចជាទឹកដែលហូរផុតទៅហើយ) និងធ្វើកិច្ចការចំពោះមុខឱ្យបានល្អបំផុត។ ៦. ការបត់បែនទៅតាមកាលៈទេសៈ ទឹកគ្មានរូបរាងថេរជានិច្ចនោះទេ។ ប្រសិនបើយើងចាក់វាចូលកែវ វាមានរូបរាងជាកែវ, ចាក់ចូលដប វាមានរូបរាងជាដប។ ពេលជួបថ្មដារ វាមិនបុកទង្គិចឱ្យបាក់បែកទេ ប៉ុន្តែវាហូរគេចជុំវិញថ្មនោះ។ ការរស់នៅប្រកបដោយប្រាជ្ញា គឺការចេះបត់បែនតាមស្ថានការណ៍ផ្លាស់បឡាស់នៃជីវិត ដោយមិនប្រកាន់ទំនិញរឹងរូស។ នៅពេលយើងមិនតោងទាមនឹងទម្រង់ណាមួយ យើងនឹងមិនងាយបាក់បែកនៅពេលជួបវិបត្តិឡើយ។ ៧. ភាពទន់ភ្លន់ឈ្នះភាពរឹងប៉ឹង ទឹកជាវត្ថុទន់ភ្លន់បំផុត ប៉ុន្តែវាអាចដាស ឬចម្លាក់ថ្មរឹងៗឱ្យប្រហោងបានដោយសារការហូរឥតឈប់ឈរ។ នៅក្នុងជីវិត ការប្រើកម្លាំងបាយ ឬភាពរឹងរូស តែងតែជួបនឹងការទាស់ទែង និងបរាជ័យ។ ប៉ុន្តែការប្រើភាពទន់ភ្លន់ ការអត់ធ្មត់ និងភាពស្ងប់ស្ងាត់ អាចយកឈ្នះលើភាពអាក្រក់ និងឧបសគ្គដ៏ធំធេងបាន។ រក្សាកម្មសិទ្ធម្ចាស់ដើមផេក " ផ្នត់គំនិតភូមិថ្មី " 📚 #មេរៀនជីវិត #Lifestyle #typ #quotes #lifelessons

LY MENGORNG

Open In TikTok:

Region: KH

Tuesday 25 August 2026 10:27:48 GMT