@bizimyolinfo: Ali Məhkəmədən faiz müqabilində borc verənlərə SƏRT XƏBƏRDARLIQ Faizlə borc vermək fiziki şəxslər arasında öz-özlüyündə qadağan deyil. Lakin Ali Məhkəmədən bildirilib ki, müxtəlif şəxslərə mütəmadi və gəlir əldə etmək məqsədilə faizlə borc verilməsi hüquqi məsuliyyət yarada bilər. Qeyd olunub ki, belə borc münasibətləri yazılı müqavilə ilə rəsmiləşdirilməli, faiz dərəcəsi, müddət və ödəniş qaydaları dəqiq göstərilməlidir. Pulun verilməsi və qaytarılması da sənədlərlə təsdiqlənməlidir. Müxtəlif şəxslərə sistemli şəkildə faizlə borc vermək yalnız qanunla belə fəaliyyət hüququ olan şəxslər tərəfindən həyata keçirilə bilər. Əks halda fəaliyyət qanunsuz sahibkarlıq kimi qiymətləndirilə bilər. Ali Məhkəmə xəbərdarlıq edir ki, belə şəxslərin fəaliyyəti məhkəmə zamanı araşdırıla və qanunsuzluq aşkarlandıqda materiallar hüquqi qiymətləndirmə üçün prokurorluğa göndərilə bilər. #bizimyol #bizimyolinfo #gündəm #aliməhkəmə #qanun
