@radwa.moohamed1: من أكبر أسباب إن الناس تتحول لضحايا للمدربين والمدربات اللي بيبيعوا الوهم، إنهم أصلًا داخلين رحلة التطوير وهم بيدوروا على أب وأم ومنقذ. مش بيدوروا على الحقيقة… بيدوروا على حد يحتويهم، يطمنهم، يقول لهم يعملوا إيه، ويشيل عنهم مسؤولية حياتهم. وده أخطر نوع من التعلق؛ لأنك ممكن تفتكر إنك بتتعالج، بينما أنت في الحقيقة بتنقل احتياجك القديم لشخص جديد. تخرج من تعلقك بأبوك وأمك… تدخل في تعلق بالمعالج. تخرج من سلطة البيت… تدخل تحت سلطة المدرب. وتسمي ده «وعي» و«تطور»! الإنسان اللي بيتحرك من جروحه، هيفضل طول الوقت يدور على حد ينقذه. تابع . ناقل للمعلومات. مقلد للناس. مصغر نفسه وما بيتطورش لكن الإنسان اللي بيتحرك من وعي، بيدخل أي علاقة علاجية أو تعليمية وهو عارف إن مسؤولية حياته في إيده هو. المعالج مش أبوك. المدرب مش أمك. المجتمع الداعم مش عيلتك البديلة. وأي شخص بيخليك محتاج له عشان تعرف تعيش، أنت مش بتتحرر معاه… أنت بتستبدل تبعية بتبعية. التغيير الحقيقي مش إنك تلاقي شخص تتعلق بيه بشكل صحي. التغيير الحقيقي إنك توصل لمرحلة ما تبقاش محتاج حد ينقذك أصلًا. خد المساعدة… اتعلم… اتعالج… لكن في النهاية: ارجع لنفسك . #رضوي_محمد #اكاديمة_الروضة @radwa.moohamed1
