@gundelikxeber.org0: Şəhid atası Suraxanı Rayon İcra Hakimiyyətinin başçısı Adil Əliyevlə bağlı ölkə Prezident İlham Əliyevə videomüraciət edib. Biziməsr.media bildirir ki, şəhid atası müraciətində Adil Əliyevin Hövsan qəsəbəsində torpaq sahələrinin satılması ilə bağlı faktların olduğunu iddia edib və bunu göstərən ünvanları təqdim edib. Şəhid atası bildirib ki, vaxtilə Adil Əliyevə Bakı Şəhər İcra Hakimiyyətinin başçısı Eldar Əzizov tərəfindən töhmət verildikdən sonra icra başçısı onun evinə gələrək kömək istəyib. Lakin sonradan şəhid atasının Hövsanda soğan əkmək məqsədilə istifadə etdiyi torpaq sahəsi Adil Əliyev tərəfindən “qanunsuz” olduğu əsas gətirilərək əlindən alınıb. Şəhid atası videomüraciətində Adil Əliyevə müraciət edərək ona qarşı göstərilən münasibətlə imkanlı adamlara münasibət arasında fərq olduğunu iddia edib. O, Hövsanda müxtəlif torpaq sahələrinin satıldığını bildirərək bununla bağlı konkret ünvanları da göstərib. Şəhid atası həmin faktların araşdırılmasını və məsələyə hüquqi qiymət verilməsini xahiş edib. Videogörüntünü olduğu kimi təqdim edirik.
