@musabko4: الحبيبة البتشبه الغيم والكمنجات.. هنديّة جات، ما جات عابرة؛ جات زي مطرة لقت أرضًا تعبت من العطش، وزي نغمة كمنجة وقعت في محل الوجع بالضبط. طيّبت خاطر الليالي البقت تقيلة، وسكّتت بصوتها وجعاتٍ ما كان عندها لسان تحكي بيهو، كانت لما تتكلم، الحزن ذاتو يوطّي صوتو، ولما تضحك، الروح تلقى سبب تأجل بيهو انكسارها. هي ما كانت حبيبة وبس.. دي كانت غيمة معلّقة فوق قلبٍ ناشف، كل ما الدنيا تنشف في وشي، أتذكّر إنو في روح ممكن تجي ما عشان تغيّر العالم، لكن عشان تغيّر إحساسك بيهو. الحبيبة البتشبه الغيم.. ما بتتملكها، بتتمنى بس تظل ممطرة في حياتك، وما بتطلب منها كتير، غير إنها كل ما لقت روحك عطشانة، تنزل عليها حنية.. وتخلي الوجع، ولو للحظة، ينسى إنو كان ساكن جواك. ❤️☁️🎻

Musabko

Open In TikTok:

Region: SD

Tuesday 25 August 2026 21:14:31 GMT