@zawmyo4685: "တကယ်ချစ်ရင် Official ချပြရဲရမယ်" တဲ့... လူတချို့ကပြောကြတယ် "ပစ္စည်းကောင်းရှိတဲ့သူက ထုတ်ကြွားချင်ကြတာပဲ" တဲ့။ ဒါပေမဲ့ ဒီစကားလုံးတွေကြားမှာ တစ်ခုခုတော့ မှားနေသလိုပဲလို့ မထင်မိဘူးလား? အချစ်ဆိုတာ "ပြသခြင်း" သက်သက် မဟုတ်သလို၊ ကိုယ်ချစ်ရတဲ့သူဟာလည်း သူတပါးကို ထုတ်ကြွားဖို့အတွက် "အသုံးအဆောင် ပစ္စည်း" တစ်ခု မဟုတ်ပါဘူး။ တချို့အချစ်တွေက ကမ္ဘာသိအောင် ကြေညာပြီးမှ ခိုင်မြဲတာမျိုး မဟုတ်ဘဲ၊ လူမသိတဲ့ နေရာလေးမှာ တိတ်တိတ်ဆိတ်ဆိတ်နဲ့ တစ်ယောက်ကိုတစ်ယောက် နားလည်ပေးနေတာမျိုးက ပိုပြီး လေးနက်တတ်ပါတယ်။ အမှန်တော့...Official ချပြခြင်း၊ မချပြခြင်းထက် ပိုအရေးကြီးတာက နှစ်ယောက်ကြားက "သစ္စာတရား" နဲ့ "ပေးဆပ်မှု" တွေပါ။ ဖုန်းစခရင်ပေါ်မှာ တင်လိုက်တဲ့ ဓာတ်ပုံတစ်ပုံထက်၊ စိတ်ညစ်နေချိန်မှာ ဘေးနားကနေ လက်ကိုတွဲပေးထားတဲ့ လက်တစ်စုံက ပိုတန်ဖိုးရှိပါတယ်။ လူတွေ မြင်နေရတဲ့ My Day တွေထက်၊ လူမမြင်တဲ့ နေရာမှာ တစ်ယောက်မျက်ရည်ကို တစ်ယောက် သုတ်ပေးခဲ့ကြတဲ့ အချိန်တွေက ပိုပြီး အဓိပ္ပာယ်ရှိပါတယ်။ တချို့သူတွေကတော့ အေးအေးချမ်းချမ်းပဲ ဖြတ်သန်းချင်ကြတယ်။ အချစ်ကို ဆူညံနေတဲ့ လူမှုကွန်ရက်ပေါ်မှာ မဟုတ်ဘဲ၊ နှလုံးသားထဲမှာပဲ သိမ်းဆည်းထားချင်ကြတယ်။ အဲဒါဟာ မချစ်လို့ မဟုတ်သလို၊ မချပြရဲလို့လည်း မဟုတ်ပါဘူး။ ကိုယ့်ရဲ့ တန်ဖိုးထားရတဲ့ အရာလေးကို အပြင်က လေစိမ်းတိုက် မခံချင်အောင် မြတ်နိုးလွန်းလို့ပါ။ ဒါကြောင့်... "ပစ္စည်းကောင်းမို့ ကြွားချင်တယ်" ဆိုတဲ့ စကားနဲ့ အချစ်ကို မနှိုင်းယှဉ်ပါနဲ့။ ချစ်သူဆိုတာ ဂုဏ်ယူဖို့ထက် မြတ်နိုးဖို့အတွက်ပါ။ လူတိုင်းမြင်ရတဲ့ နေရာမှာ ပျော်ပြနေဖို့ထက်၊ မင်းရဲ့ ကမ္ဘာငယ်လေးထဲမှာ ကိုယ်ရှိနေဖို့က ပိုပြီး အရေးကြီးပါတယ်။ #tiktokmyanmar #fypppppppppppppppppppppp #fypage #fypシ゚ #positivevibes

A🫀

Open In TikTok:

Region: TH

Wednesday 26 August 2026 02:19:39 GMT