37 سالہ دشمنی کا اختتام، قلاگے میں تاریخی صلح 🤝❤️ الحمدللہ ثم الحمدللہ! آج قلاگے میں ایک خوش آئند اور تاریخی دن رقم ہوا، جہاں شیر بہادر بیلہ، قلاگے اور محمد علی جان نانا کے خاندانوں کے درمیان 37 سالہ دشمنی کا باوقار اختتام ہوا اور دونوں فریقین نے باقاعدہ صلح کرلی۔ اس عظیم صلح میں قلاگے جرگہ مشران، علمائے کرام، قلاگے کے مشران، اوورسیز حضرات اور علاقے کی دیگر معزز شخصیات نے اہم کردار ادا کیا۔ خصوصاً احمد خان جبگئ، امیر چمن خان تور منگ درہ اور خان سربالا کی دن رات کوششوں، جبکہ امیر باچا، محمد جلیل، رشید خان اور دیگر حضرات کی کاوشوں سے یہ دیرینہ تنازع ختم ہوا اور علاقے میں خوشی کی لہر دوڑ گئی۔ ❤️ دونوں فریقین نے ایک دوسرے کو گلے لگایا، معاف کیا اور قرآنِ کریم پر حلف اٹھایا کہ آئندہ ایک دوسرے کے خلاف دل میں بھی کوئی غلط خیال نہیں رکھیں گے اور امن و بھائی چارے کے ساتھ زندگی گزاریں گے۔ اس موقع پر موجود لوگوں نے دونوں خاندانوں کو خراجِ تحسین پیش کیا۔ اللہ تعالیٰ قرآنِ کریم میں فرماتا ہے: "وَالصُّلْحُ خَيْرٌ" "اور صلح بہتر ہے۔" (سورۃ النساء: 128) نبی کریم ﷺ نے فرمایا: "کیا میں تمہیں روزہ، نماز اور صدقہ سے افضل عمل نہ بتاؤں؟ وہ باہمی صلح کرانا ہے۔" (سنن ابی داؤد) ایک اور حدیث: "جو شخص لوگوں کے درمیان صلح کرائے اور خیر کی بات کہے، وہ جھوٹا نہیں ہے۔" یہ صلح اس بات کی خوبصورت مثال ہے کہ معافی، برداشت اور بھائی چارہ دشمنی سے کہیں زیادہ طاقتور ہیں۔ صلح کی اس خوشی میں بڑی تعداد میں لوگوں نے شرکت کی اور دونوں فریقین کو مبارکباد پیش کی۔ مہمانوں کی خاطر تواضع کے لیے دیگیں پکائی گئیں اور بھینس ذبح کرکے کھانا تیار کیا گیا۔ دونوں فریقین نے صلح میں شریک تمام مشران، علمائے کرام، جرگہ ممبران، اوورسیز حضرات اور تمام لوگوں کا دل کی گہرائیوں سے شکریہ ادا کیا۔ 37 سالہ دشمنی کا خاتمہ، ایک نئی شروعات کا آغاز! اللہ تعالیٰ اس صلح کو ہمیشہ قائم رکھے، دونوں خاندانوں میں محبت و بھائی چارہ پیدا فرمائے اور پورے علاقے کو امن و سکون عطا فرمائے۔ آمین صلح کے حوالے سے مشران نے اپنے خیالات کا اظہار بھی کی - @swat.kabal.news11