बाढी प्रभावित क्षेत्रका लागि सहयोगको आह्वान देशले विषम परिस्थिति व्यहोरेको अवस्थामा हामीले केही सानो सहयोग बाढी प्रभावित क्षेत्रका मान्छेहरूलाई गरौँ भनेर यो आह्वान गर्दैछौँ। आज बिहानदेखि चितवन, धादिङ, नुवाकोट, रसुवा जस्ता जिल्लाहरूमा धेरै ठूलो प्राकृतिक प्रकोपका रूपमा बाढी आएर हजारौँ मान्छेहरू बेपत्ता भएको अवस्था छ। हाम्रा प्रहरी साथीहरू नै पनि बेपत्ता हुनुभएको छ, धेरै मान्छेहरू सम्पर्कविहीन भएका छन्, धेरै मान्छेहरूको घरबार बगाएर लगेको अवस्था छ। सो अवस्थालाई मध्यनजर गर्दै हामीले पनि केही सहयोगको कार्यक्रम राख्न सक्छौँ कि भनेर भोलि बिहान ७ बजेदेखि बेलुका ७ बजेसम्म केही सामानहरू कलेक्सन गर्ने भएका छौँ। सामानहरूमा रेडिमेड खाद्यान्नहरू जस्तै चिउरा, चाउचाउ, बिस्कुट जस्ता खानेकुराहरू पठाइदिनु होला। अनि सामानहरूमा पेरासिटामोल, फर्स्ट एड बक्स, जीवनजल जस्ता सामग्रीहरू पठाइदिनु होला। त्यसैगरी कालो म्याट, झुल तथा यस्तो प्राकृतिक प्रकोपको अवस्थामा ओढ्ने–ओछ्याउने सामग्रीहरूको धेरै खाँचो हुने भएकाले बेडसिटहरू पनि पठाइदिनु होला। हजुरहरूको घरमा भएका प्रयोगयोग्य सामानहरू सरसफाइ गरेर प्लास्टिकको झोलामा प्याक गरी पठाइदिनु होला। विशेषतः केटीहरू, महिला तथा बालबालिकाहरू यस्तो प्रकोपबाट धेरै प्रभावित हुने भएकाले महिलाका लुगाहरू र बालबालिकाका लुगाहरू पनि पठाइदिनु होला। अनि बालबालिकाहरूका लागि वाइप्स, डायपर, खानेकुराहरू, प्याकेज दूध तथा यस्ता आवश्यक सामग्रीहरू पनि पठाइदिनु होला। हामी सबै सामान कलेक्सन गर्नेछौँ। विदेशमा रहनुभएका धेरै नेपाली दाजुभाइ तथा दिदीबहिनीहरूलाई सहयोग गर्ने इच्छा हुँदा हुँदै पनि सहयोग गर्न नसक्ने अवस्था हुन सक्छ। त्यस्तो अवस्थामा हजुरहरूले आफ्ना आफन्तलाई पैसा पठाइदिनुहोस् र उहाँहरूले आवश्यक सामान किनेर हामीलाई उपलब्ध गराइदिनुहोस्। हामी अहिले पैसाको फन्ड लिँदैनौँ। हामी सामान कलेक्सन गरेर हाम्रो तर्फबाट पनि धेरै कामहरू गर्नेछौँ। हजुरहरूले पनि सामानहरू लिएर आइदिनुभयो भने हामी सबै सामान कलेक्सन गरेर प्रभावित क्षेत्रमा गएर वितरण गर्नेछौँ।@ANU LAMA547 @Esha Agrawal @anjana kc😘🧿 @Anjana Aryal @jun🌙 @October 🧿🧿🧿🧿 @Sangita Giri - @meenagyawalirana1