रसुवा: तिब्बतबाट प्रवेश गरेको यो बाढीले रसुवाको टिमुरे र स्याफ्रुबेसी क्षेत्रमा सबैभन्दा धेरै तहसनहस पार्दै बजार र बस्तीहरू बगाएको छ। नुवाकोट: रसुवा पार गरेर यो बाढी नुवाकोटको तटीय क्षेत्र (त्रिशूली बजार, देवीघाट, बेत्रावती आदि) मा प्रवेश गरी ठूलो क्षति पुर्‍याएको छ। धादिङ: नुवाकोटको तटीय क्षेत्रहरू पार गर्दै यो बाढी अझै तल बग्दै धादिङको गल्छी, मलेखु तथा आदमघाट क्षेत्रको तटीय भागमा पुगेको छ। चितवन / देवघाट: त्रिशूली नदीको बहाव हुँदै यो बाढी तल चितवनको देवघाट तथा मुग्लिन आसपासका क्षेत्रहरूसम्म पुगिसकेको छ। गोरखा र अन्य तटीय क्षेत्र: त्रिशूली र भोटेकोशी करिडोरसँग जोडिएका गोरखा लगायत तल्लो तटीय क्षेत्रहरूलाई पनि अति उच्च जोखिममा राखिएको छ। ⚠️ अत्यन्त जरुरी अपिल: रसुवा, नुवाकोट, धादिङ, गोरखा र चितवनलगायत नदी किनारका सबै बासिन्दाहरू तुरुन्त सुरक्षित र अग्लो स्थानतर्फ जानुहोला। बढेको भलबाढी हेर्न, भिडियो खिच्न वा नदी आसपास नजानुहोस्। सतर्कता नै जीवन रक्षाको पहिलो उपाय हो, सबैले सुरक्षित रहौँ र अरुलाई पनि खबर गरौँ! 🙏 #BhotekoshiFlood #Rasuwa #Nuwakot #Dhading #Chitwan - @nabinkatwal445