@fatimaa_queen705: ہمارے جیسوں کے حصے میں صبر آتا ہے اتنا صبر کہ ساری خواہشیں دم توڑ جاتی ہیں، سارے خواب آنکھوں میں ہی دفن ہو جاتے ہیں، اور انسان جیتے جیتے اپنی ہی خواہشوں سے دستبردار ہونا سیکھ لیتا ہے۔ ہم بھی کبھی بہت کچھ چاہا کرتے تھے... کسی کے ساتھ کا خواب، کسی کے لوٹ آنے کی امید، کسی کے ایک لفظ سے دل کو سکون ملنے کی خواہش۔ مگر وقت نے سکھا دیا کہ ہر چاہت مقدر نہیں بنتی، ہر دعا قبولیت کی صورت میں نہیں آتی، اور ہر شخص ہمیشہ ہمارے ساتھ رہنے کے لیے نہیں ہوتا۔ پھر ہم نے شکایتیں چھوڑ دیں، سوال کرنا چھوڑ دیا، لوگوں سے امیدیں باندھنا چھوڑ دیں... اور خاموشی کو اپنا مقدر سمجھ لیا۔ اب کوئی پوچھے بھی کہ کیا چاہتے ہو؟ تو دل بس یہی کہتا ہے: اب کچھ نہیں... بس سکون چاہیے۔ ہمارے حصے کا صبر بھی عجیب ہے، ہمیں رونا آتا ہے تو چھپ کر روتے ہیں ،ٹوٹتے ہیں تو مسکرا کر اور کسی کو کھونے کا دکھ ہو تو بھی اُس کے لیے بددعا نہیں کرتے۔ بس دل کے کسی کونے میں ایک چھوٹی سی امید ابھی بھی زندہ ہے کہ شاید ایک دن اللہ ہماری ان خواہشوں کا بھی حساب کرے گا جنہیں ہم نے اُس کی رضا کے لیے خاموشی سے دفن کر دیا تھا۔ یا اللہ... ہم نے بہت صبر کر لیا ہے۔ اب اگر کچھ دینا ہے تو ایسا سکون دے جو ہماری ساری محرومیوں کا مداوا بن جائے۔ اور اگر ہماری کوئی خواہش ہمارے حق میں نہیں، تو ہمارے دل کو اتنا مضبوط کر دے کہ اُسے چھوڑتے ہوئے بھی تیری رضا پر راضی رہ سکیں۔ #🥹🥹🥹

ملنگڑیں🙃

Open In TikTok:

Region: PK

Wednesday 26 August 2026 11:31:37 GMT