@mostafaelgarhy248: وأنت بتبني بيتك أو بتختار مقاول، طبيعي جدًا إن أول حاجة عينك تروح لها هي الرقم النهائي في عرض السعر. لكن المشكلة إنك لو قارنت بالأرقام بس، ممكن تختار العرض الأقل وتكتشف بعد بداية المشروع إنك داخل على تكاليف إضافية ما كانتش واضحة من البداية. ممكن يكون قدامك عرض بـ650 ألف وعرض تاني بـ750 ألف، وتقول لنفسك: ليه أدفع 100 ألف زيادة؟ بس السؤال الأهم: هل العرضين فعلًا نفس الشيء؟ هل نفس المواصفات؟ نفس نوع المواد؟ نفس جودة التنفيذ؟ نفس مدة المشروع؟ نفس البنود المشمولة؟ ونفس البنود المستبعدة؟ ممكن عرض يكون أرخص لأنه مستبعد أعمال معينة، أو مستخدم مواد بمواصفات أقل، أو فيه بنود هتتحاسب عليك بعدين كأعمال إضافية. وعشان كده قبل ما تعتمد أي عرض سعر، اقرأ كل بند بالتفصيل، راجع المواصفات، اعرف إيه المشمول وإيه غير المشمول، وإيه اللي ممكن يتحول بعد كده لأمر تغيير وتكلفة إضافية. ممكن توفر 50 ألف قبل التعاقد، وبعدها تدفع 100 ألف خلال التنفيذ بسبب فروقات وملاحظات وتغييرات ما كنتش عامل حسابها. الخلاصة: ما تقارنش السعر بس… قارن اللي هتاخده مقابل السعر. اختار العرض الأوضح والأكمل، مش مجرد الرقم الأقل#مالي_خلق_احط_هاشتاقات #الشعب_الصيني_ماله_حل😂😂 #مشاهير_تيك_توك #مصر #السعودية🇸🇦
