@alweeamnews: بعد انتقال ملكية #الهلال #النصر #الأهلي #الاتحاد إلى PIF يبرز السؤال: من يمول صفقات الهلال؟ وهل «المملكة القابضة» قادرة على تحمل هذه الإنفاقات؟ #مصارحة_حرة

NawaF :

من اغرب الطرح اللي شفته وخاصة من واحد له 40 سنه فالاعلام ، يعني الوليد مطفر ينتظر ارباح المملكه تنزل في حسابه عشان يدعم الهلال ، وش هالكلام الفاضي وليه لغة التشكيك ، وكيف ماتعرف من يمول صفقات الهلال والنادي الوحيد اللي معلن ميزانيته ، وحساب النادي بعد كل صفقه يكتب تكفل الوليد ، ليه التشكيك وش ذنب الهلال ان عنده ماياردير محب وعاشق ومالك قريباً بعد انهاء اجراءات نقل الملكيه من هيئة المنافسه وبقية من له علاقه في عملية الانتقال ، نهاية الامر تعودنا على لغة التشكيك فيما يخص كل هلالي ، ولاهمنا احد

BADRAN〽️ :

من أول ما تابعنا الدوري السعودي قبل سنوات، وإحنا نشوف إن المحاباة للهلال ما كانت وليدة اليوم؛ بدأت – من وجهة نظرنا كجماهير – من بعض القرارات التحكيمية، ثم الأنظمة واللوائح، واليوم وصلنا إلى ملف الدعم والصفقات. تخيل لو النصر أو الأهلي أو الاتحاد عمل في فترة واحدة جزءًا من الصفقات اللي شفناها للهلال، كان الإعلام قامت قيامته، وقالوا: فريق كامل تغيّر! بينما الهلال في فترة شتوية واحدة غيّر جزءًا كبيرًا من فريقه، جاب نجوم بملايين، ودخل في صفقات وكسر عقود، وبعدها مع بداية الموسم يستمر الصرف وكأن ما حدث في الشتوية ما يكفي. هنا من حق أي مشجع يسأل: وين سقف الصرف؟ ووين العدالة بين الأندية؟ ويقولون لك: الأندية كلها تُدعم وتصرف. صحيح، لكن هل حجم الدعم والقدرة على الصرف متساوي فعلًا؟ مستحيل تقارن إمكانيات أندية مثل الوحدة أو غيره بالهلال، ثم تقول المنافسة عادلة. العدالة ما تكون بالكلام، العدالة تكون في تكافؤ الفرص والقدرة على المنافسة. أما إعلاميًا، فالهلال يمتلك قوة كبيرة جدًا، وهذه حقيقة تُحسب له؛ أي رواية تتكرر باستمرار من إعلام قوي ومنظم، مع الوقت تصبح هي الرواية السائدة. وأي صفقة مثيرة للجدل تجد لها مبررات وتسويقًا إعلاميًا جاهزًا، بينما لو حدث الأمر نفسه لنادٍ آخر، قد تكون ردة الفعل مختلفة تمامًا. والمشكلة الأكبر عند كثير من الجماهير ليست في أن الهلال قوي أو يحقق البطولات؛ المشكلة في الشعور بأن هناك ناديًا يحصل على ما لا يستطيع الآخرون الحصول عليه، وأن ميزان المنافسة ليس واحدًا للجميع. لذلك لا تستغرب عندما تجد جماهير الأندية الأخرى غاضبة منه؛ لأن التراكمات، سواء اتفقنا معها أو اختلفنا، هي اللي صنعت هذا الشعور وإذا حسّوا أن الصورة صارت واضحة بزيادة، دعموا ناديًا ثانيًا معهم بصفقة أو صفقتين، عشان ينشغل الرأي العام بموضوع جديد ويصير النقاش: «شوفوا، الدعم للجميع». شغل مرتب إعلاميًا؛ يخف الضغط، وتتوزع الأنظار، بينما الفارق الحقيقي في حجم الدعم والامتيازات يظل موجود

الحربي :

والله العظيم يكذبون وهم عارفين

سـاهـرينـو :

التشكيك في الهلال من يوم ولد بالمنصه وتأسس والكلام هذا نسمعه بطولات حكام والان الداعمين .. السؤال اللي يطرح نفسه ليه مافي شركات تقدمت لشراء انديتكم مثل ماتقدمت المملكة القابضة للشراء نادي الهلال !؟

ابراهيم :

الله لايوفق الأزرق

ابو غازي :

انا اطالب بكشف الديون اللي سددت عن الأندية اكثر من مره اما مسألة الهلال و الوليد وانتقال الملكية والدعم فهي واضحه اذا انت ما تبغى تصدق بكيفك

albadr907 :

اللي يمول الهلال ابو حسين ههههههههه

sultan :

الي يمول صفقات الهلال كل الانديه السعوديه كل فلوس الانديه آلسعوديه تروح للهلال انو اعتبار الهلال هو منتخب الوطن في نظرهم اتوقع العام الجاي لازم نشجع الهلال غصب

ماجد :

طيب يالبكيري وزير الرياضة عندما جمع الاعلاميين الرياضيين واتوقع انك منهم تحدث بان الدعم متساوي بمبلغ 3 مليار ريال ومنهم الفراج حضر هذا الاجتماع وبالنسبة للوليد هو دعم ناديك ونادي النصر والاهلي وغيرهم بمكافآت الفوز ببطولات بما بالك ان يدعم ناديه السوال هل انت من حضر الاجتماع ام لا

☾в☽☾α☽☾ɒ☽☾я☽ :

لما تقول دعم من الوليد بن طلال فرق لما تقول الدعم من شركة المملكة القابضه هذا دعم شخصي والاخر دعم من شركة مساهمه في السوق السعودي وفيها حقوق للمساهمين من افراد وغيرهم كلام مايخش العقل 😂😂😂 الهلاليه اعلام وجمهور اوقات عليهم تصريحات غريبه

شـَرو.💙 :

واذا شركته ما توصل ارباحها غير مليارين انت عارف من الوليد بن طلال ولا نضيفكم مع الهبات

متعب الشمري :

الهلال لديه شركات داعمه وراعيه للنادي من غير الوليد بن طلال ولو كان هناك شك ان الصندوق هو اللي يدعم الهلال ورا مااشتكو الانديه للجهات العليا وهم قاعدين بس يشككون 😂

hussebgejby :

صدقوهم تراهم صادقين صدقوهم إذا ماقدرت تصدق حاول أن تصدق

sasd :

يا أخي بعض الناس يتفلسف ويتكلم عن الأندية الأخرى وناديه كان مديون ديون كبيرة جدا بينما الهلال أقلهم دين ولا زال المثل يحذفون الناس بالطوب وبيوتهم من قزاز

AAA :

المشكلة الجوهرية اللي مو راضيين يفهمونها ان الهلال ماعنده ديون وهذا اللي يخليهم يشوفون الدعم كبير يعني تخيل 4 اشخاص 3 منهم عليهم ديون وواحد لا وبيتوزع عليهم مبلغ بالتساوي بشرط سداد الديون في الأخير بيكون الشخص اللي ماعليه ديون هو الأكثر مال فيهم كلهم ، وشفنا مبالغ فلكية للديون لأندية مثل النصر والاتحاد منهم وصلت ديونه ل800 مليون بينما الهلال ماعليه شي فطبيعي يكون الأثر على الهلال واضح بينما على الأندية الأخرى يكون الأثر بسيط

الزعيم :

الارقام تحرج أعضاء شرف النصر والاتحاد والأهلي

FaZe Sway :

سؤال بسيط مع كلامك الي كله سواليف ليش الانديه غير الهلال ما تطلع الفائض او مداخيل النادي مايحتاج تلف و تدور ابي إجابه واضحه

خالد :

user8919269848618 :

اتكلم موضوع سداد ديون انديه اربعه اتحداك من قبل صندوق من بداية دعم الحكومه

ابو عبدالملك :

الحل هيئة الفساد ....اين هي ؟

zooom_911 :

ksa_011_ :

زعلان وليد الفراج ما جابه

ابو محمد :

الهلال يستاهل الدعم من جميع الجهات مشرف البلد في جميع المحافل

أبوعبدالملك :

يا بكيري كم ميزانية نادي الهلال