@zinet_aryam_dz: يوم جيت نحكي حكايتي ونستشيركم غالياتي في أمر مصيري أنا هاذيك لي قالت Im strang ونقدر على هاذو كامل مع بعض : زوجة 👩❤️💋👨,وأم🧑🍼, وطبيبة أسنان👩⚕️🦷, وصاحبة مشروع🤵♀️٫ وحامل مؤخرا 🫄 نهار ديت الBEM درت فوغماسيو تعلمت فيها لخياطة ومن هذاك الوقت وانا من المتقنات لهاذ الحرفة لي عشقتها وعشقتني والحمد لله ومع ذلك بقيت نطور من نفسي فيها ودرت موديليزم وديزاين وخياطة رفيعة وماإلى ذلك وكنت نخدم بهاذ الحرفة وقت العطل المدرسية ووقت مايتسنى لي الوقت بجانب دراستي وفقني ربي وجبت الباك بمعدل مليح ودرت طبيبة أسنان ووفقت كذلك بعد التخرج باه نحكم منصب في هاذ المهنة لي نعتبرها نبيلة خاصة كي تتعاملي مع ناس يقدرو المجهود والتعب لي تتعب فيه على جالهم مهنة الطب هي ليست فقط هذاك الحلم لي حلمتو انا وعايلتي وشفتو يحقق قدام عيني او هي ليست فقط اسم دكتورة لي يوقد فيك الايڨو تاعك وتحسي روحك تعبتي على جالها ونلتيها وراكي في مكانك المناسب واسمك مقرون بلقب إيطار لايستهان بيه فالدولة بل على العكس من ذلك هي هذيك المهنة لي تخليك تحتكي بناس محتاجة فعلا ونبل منك أنك تعطيهم وتخدمهم بكل ماأوتيتي من قوة وقدرة وإيمكانيات حتى تخليهم يستغناو على الطب المدفوع ماأمكنك ذلك في هاذ المهنة تجيك المرأة الأرملة والمطلقة والايتام وكبار السن لي تحسيهم ماليهم أحد بعد الله إلا انت كطبيبة تسمعيلهم قبل ماتوصفيلهم واش يناسبهم بعد التخرج تاعي تخطبت و الحمد لله رزقني ربي بزوج صالح يخاف ربي فيا وفي علاقتتا والحمد لله رزقنا بطفلين جميلين ربي يقدرنا باه نربيوهم تربية صالحة لي نقدرو نقابلو بيها ربي سبحانو مشروع الافرشة بديناها مع بعضانا بعد الزواج مباشرة وكنا من الاوائل عبر الوطن لي بدينا هاذ المشروع ومع انو بديتو قبل زواجي إلا أنو ماكانت عندي صفحة رسمية لي نحط فيها اعمالي وتكون واجهة للمشروع عبر مواقع التواصل المشروع بدا يكبر درجة درجة بعد ما تعبنا عليه في زوج وكبرناه كيما رانا نربيو في ولادنا و عدينا فيه على لحظات صعبةوذكريات جميلة ودروس وعبر لايسنعني هنا المجال لأحكيها لكم لكني سأنقلها لكم عبر فقرة تجاربي مع مشروعي في الايام المقبلة بإذن الله باه هكذا كل وحدة تبدا مشروعها تتفادا الاخطاء لي طحنا فيها حنا وتختصر عليها مسافة سنوات ولولاد تاني راهم يكبرو وكبرو معاهم مسؤولياتهم ...يتبع باه توضح الفكرة أكثر والحكم يكون افضل
