@user6660317093606: Биыл Сапарбековтар әулеттінде Асыл ата-әжеміздің өмірден өткеніне 44 жыл толып отыр. Осы жылдар ішінде уақыт талай белесті артқа тастаса да, олардың жарқын бейнесі, берген тәрбиесі мен артында қалдырған ұрпағының жүрегінде мәңгі сақтаулы.💔💔💔 Ата-әжемізден 5 ұл, 2 қыз дүниеге келіп, шаңырақтарын шаттыққа бөлеген екен. Сол перзенттерінің бірі — менің әкем. Әкем небәрі 6-7 жасында ата-анасынан айырылып, балалық шағын әке-шешенің мейірімін аңсаумен өткізген. Дегенмен, ата-әжеміздің берген тәрбиесі мен ақ батасы әкемнің жүрегінде өмір бойы сақталып, ұрпағына жалғасын тапты. Ата мен апамыздың ғұмыры қысқа болса да, артында өшпес із, жеті перзент, немере-шөберелер қалды. Бүгінде олардың ұрпағы өсіп-өніп, ата мен апаның есімін ардақтап, рухына дұға бағыштап келеді. Асыл жандардың жатқан жері жайлы, топырағы торқа болсын. Алла тағала қабірлерін нұрға бөлеп, имандарын жолдас етсін. Артында қалған ұрпағына амандық, бірлік пен береке берсін. Ата мен апамыздың рухтары әрдайым бізге разы болып, ұрпағының қызығын көріп жатқандай болсын. Әкемнің де жүрегіндегі ата-анасына деген сағынышы мәңгілік естелік болып қалсын. Жатқан жерлеріңіз жайлы болсын, асыл ата-әже. Сіздер қалдырған ұрпақ барда есімдеріңіз де, өнегелеріңіз де ешқашан ұмытылмайды. Әруақтарыңызға мың тағзым, мәңгілік сағынышпен еске аламыз.🤲🤲🤲🤲

Мадина Ахметқызы

Open In TikTok:

Region: KZ

Wednesday 26 August 2026 17:55:42 GMT