من سنة تقريبا ناس بيتنا رجعو بحري .. وبقا هاجس أساسي لينا اننا نجيب أجهزة البيت من جديد .. مشكلتي اني كنت بشوف أوجود وأفضل الأجهزة في الخليج هنا متوافرة جدا .. بس ماقادر أرسل ليهم جهاز لأن ببساطة مابضمن مشاكل شركات الشحن (البضاعة اتاخرت .. البضاعة في الجمارك .. البضاعة ضاعت .. وصلت تالفة) .. دا لو أصلا ماقفل تلفونه وبطل يرد عليك. لحد قابلت صاحبي حسن في تمرين الباديل .. وحكا لي عن بزنس سوداني اسمه (شارع الحرية) .. فكرة البزنس دا انك لو مغترب تدفع حق الجهاز برة (تلاجة .. مولد .. أنظمة طاقة شمسية .. أو حتى تلفون ولا لابتوب) .. وهم بيوصلو المنتج لناس البيت طوالي .. الفرق بينهم وبين شركات الشحن انه المنتجات قاعدة في مخزنهم في السودان .. فإنت لحظة دفعك لسعر الجهاز ناس البيت حيستلموه طوالي .. لا تأخير .. ولا مشاكل شحن. ممكن تدفع بالفيزا أو بالحساب البنكي وعندهم خيار إضافي انك ممكن تدفع بالاقساط .. فتقدر تستقطع من مرتبك جزء تدفعه ليهم وناس البيت يكون أخدو الأجهزة العايزنها. بجد .. فكرة البزنس رهيبة .. أنا بقيت بستمتع من البزنس السوداني الفترة دي .. شارع الحرية بيعتمد على انه يوفر ليك الثقة وراحة الدماغ .. بدا تتابع الشحنات وتوصيلها .. فحيكون التسليم مباشر. فلو انت حابي تتواصل مع شارع الحرية عشان تطلب منهم أجهزة منزلية مضمونة أكتب لي "مهتم" في تعليق وحأرسل ليك رابط فيه كل منتجاتهم بالأسعار حقتها. ايوا كدا ياخوانا .. نورو لينا السوق السوداني بالأفكار المختلفة الزي دي .. الواحد يجيب ليه فكرة يحل بيها مشكلة من صميم جذورها زاته. #البزنس_مان 😌💰 #Mo_Tag #مو_تاج #Man_Of_Theory #بزنس - @mo.tag.mo