@bella_kitchen7: ما يحبش اللفت، اليوم جبتلكم الجواز على طريقة البنة، طريقة بزاف بنينة وسهلة، وتخليلكم الجواز يخرجلكم بنين بزاف. أول حاجة عندنا نحكمو طرف تاع اللحم ولا الجاج، ونقليوه مليح حتى يتحمر وتخرج البنة تاعو. من بعد نحكمو حبة بصل ونقطعوها شرائح كبار، ونضيفوها مع اللحم ونخليوها تتقلى مليح حتى تدبل وتذبل. من بعد نرحيها في الميكسور مع شوية من المرق اللي خرج منها، ونعاودو نرجعوها للكسرونة. بعدها نحكمو اللفت اللي نكونو قطعناه قطع متوسطة، ونضيفوه للكسرونة ونخليوه يتقلى مليح مع المكونات، ونزيدولو الحمّيسة ونقليو كلش مع بعضاه باش تتخلط النكهات مليح. من بعد نمرقو بكمية قليلة من الماء، ونغطيو عليه ونخليوه يطيب على نار هادئة حتى يطيب اللحم واللفت ويتسبك المرق مليح. وهكذا يكون الجواز تاعنا واجد، بنين وشهي، وبالصحة والهنا#explore #algerie🇩🇿 #🇩🇿🇩🇿🇩🇿🇩🇿 #dz #reels