@outgrowyourself1: أحسد أطفالي لأن مراح أخليهم يعيشون مثل اللي عشته راح أعاملهم باللي چنت أحلم بي وأنه طفل لا تخلون تجارب طفولتكم تصير مبرر لطريقة تعاملكم ويا أطفالكم مو لأن أبوك چان قاسي وياك لازم تصير قاسي ويا ابنك ومو لأن انحرمت من أشياء لازم تعتبر حرمان أطفالك تربية يمكن إنت چنت تحتاج أحد يسمعك وما لگيت فتعلم شلون تسمع ابنك يمكن چنت تخاف من الغلط لأن العقاب چان أكبر من الغلط نفسه فلا تخلي ابنك يخاف منك لدرجة يخفي أخطاءه عنك ويمكن چنت محتاج كلمة حلوة أو حضن أو اهتمام لا تعتبر هالأشياء ضعف أو دلع التربية مو تنقل كلشي أخذته من أهلك التربية تراجع اللي تربيت عليه وتعرف شنو الصح وشنو اللي أذاك وبعدين تختار بوعي شنو يستحق يستمر وشنو لازم ينتهي عندك لا تكول إحنا هم عشنا هيچ وطلعنا زينين لأن مجرد تحملت الشي مو معناه الشي جان صحيح ولا يعني أطفالك لازم يتحملوه حتى يصيرون أقوياء إذا عشت طفولة صعبة خليها تكون سبب حتى تفهم أطفالك أكثر مو سبب حتى تعيد نفس الألم وياهم مرات أعظم شي تتركه لأطفالك مو فلوس ولا ممتلكات إنما طفولة أحن من طفولتك #explore #fyp

يسار

Open In TikTok:

Region: IQ

Wednesday 26 August 2026 20:39:26 GMT